ಗಾಝಾ ನಗರದ ಪೂರ್ವದಲ್ಲಿ ಸ್ಥಳಾಂತರಗೊಂಡ ಜನರಿಗೆ ಆಶ್ರಯ ನೀಡುತ್ತಿರುವ ಶಾಲೆಯ ಮೇಲೆ ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಕನಿಷ್ಠ ಎಂಟು ಫೆಲೆಸ್ತೀನೀಯರು ಸಾವನ್ನಪ್ಪಿದ್ದಾರೆ ಎಂದು ಫೆಲೆಸ್ತೀನ್ ಮೂಲಗಳು ತಿಳಿಸಿವೆ.
ಶುಜೈಯಾ ನೆರೆಹೊರೆಯಲ್ಲಿ ಸ್ಥಳಾಂತರಗೊಂಡ ಜನರು ವಾಸಿಸುತ್ತಿದ್ದ ‘ಇಬ್ನ್ ಅಲ್-ಹೇಥಮ್’ ಶಾಲೆಯ ಮೇಲೆ ಇಸ್ರೇಲ್ ವಿಮಾನಗಳು ಬುಧವಾರ ಬಾಂಬ್ ದಾಳಿ ನಡೆಸಿವೆ.
“ಇಸ್ರೇಲ್ ವೈಮಾನಿಕ ದಾಳಿಯ ಪರಿಣಾಮವಾಗಿ ಐದು ಮಕ್ಕಳು ಮತ್ತು ಇಬ್ಬರು ಮಹಿಳೆಯರು ಸೇರಿದಂತೆ ಎಂಟು ಬಲಿಪಶುಗಳ ಶವಗಳನ್ನು ವಶಪಡಿಸಿಕೊಂಡಿವೆ” ಎಂದು ಗಾಝಾ ಸಿವಿಲ್ ಡಿಫೆನ್ಸ್ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದೆ.
ವೈಮಾನಿಕ ದಾಳಿಯು ಶಾಲಾ ಅಂಗಳ ಮತ್ತು ತರಗತಿ ಕೊಠಡಿಗಳಿಗೆ ಗಮನಾರ್ಹ ಹಾನಿಯನ್ನುಂಟು ಮಾಡಿದೆ ಎಂದು ಸ್ಥಳೀಯ ಮೂಲಗಳು ಮತ್ತು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.ಗಾಜಾ ನಗರದ ಇಬ್ನ್ ಅಲ್-ಹೇಥಮ್ ಶಾಲೆ ಎಂದು ಕರೆಯಲ್ಪಡುವ ಕಮಾಂಡ್ ಮತ್ತು ನಿಯಂತ್ರಣ ಕೇಂದ್ರದಲ್ಲಿ ತನ್ನ ವಾಯುಪಡೆಯು ಹಮಾಸ್ ಉಗ್ರರನ್ನು ಗುರಿಯಾಗಿಸಿಕೊಂಡಿದೆ ಎಂದು ಇಸ್ರೇಲ್ ಸೇನೆ ಹೇಳಿಕೆಯಲ್ಲಿ ತಿಳಿಸಿದೆ.
Loading ...