ಜೀವಂತ ಆಮೆಯನ್ನು ಮನೆಯಲ್ಲಿ ಇಡುವುದು ಒಳ್ಳೆಯದಾ….? ಇದರಿಂದಾಗುವ ಪ್ರಯೋಜನ, ಅಡ್ಡ ಪರಿಣಾಮಗಳೇನು‌‌…..? ಇಲ್ಲಿದೆ ವಿವರ

ಜನರು ತಮ್ಮ ಮನೆ ಅಥವಾ ಕಛೇರಿಗಳ ವಾಸ್ತು ದೋಷವನ್ನು ನಿವಾರಿಸಲು ಜ್ಯೋತಿಷ್ಯ ಶಾಸ್ತ್ರದ ಮೂಲಕ ಪರಿಹಾರಗಳನ್ನು ಹುಡುಕುತ್ತಾರೆ. ಇದರ ಜೊತೆ ಹೆಚ್ಚಿನ ಹಣವನ್ನು ಗಳಿಸಲು ಅಥವಾ ಆರ್ಥಿಕ ಲಾಭವನ್ನು ತರಲು ಹಲವಾರು ಮಾರ್ಗಗಳನ್ನು ಪ್ರಯತ್ನಿಸುತ್ತಾರೆ. ಆಮೆಯು ವಾಸ್ತು ಶಾಸ್ತ್ರದ ನಿಯಮಗಳ ಪ್ರಕಾರ ಮನೆಯಲ್ಲಿ ಇರಿಸಿದ್ರೆ ಮಂಗಳಕರ ಫಲಿತಾಂಶ ಉಂಟಾಗುತ್ತದೆ. ಆಮೆ ಅಥವಾ ಆಮೆಗಳ ವಿಗ್ರಹಗಳು ಮತ್ತು ಪ್ರತಿಮೆಗಳು ಮಂಗಳಕರವಾಗಿವೆ. ಆದರೆ ಜೀವಂತ ಆಮೆಯನ್ನು ಮನೆಯಲ್ಲಿ ಇಡುವುದು ಒಳ್ಳೆಯದಲ್ಲ‌. ಇದರಿಂದ ನೀವು ಮುಂಬರುವ ದಿನಗಳಲ್ಲಿ ಹಣವನ್ನು ಕಳೆದುಕೊಳ್ಳಬೇಕಾಗುತ್ತದೆ‌. ಪರಿಣಾಮ ಮಾನಸಿಕ ಒತ್ತಡ ಹೆಚ್ಚಾಗುತ್ತದೆ.

ನೀವು ರಸ್ತೆಯಲ್ಲಿ ಹೋಗುವಾಗ ಆಮೆಯನ್ನು ಕಂಡ್ರೆ ನೀವು ಅದನ್ನು ರಸ್ತೆ ದಾಟಲು ಸಹಾಯ ಮಾಡಿ. ಆಮೆಯನ್ನು ಎಚ್ಚರಿಕೆಯಿಂದ ಎತ್ತಿಕೊಂಡು ಅದರ ಚಿಪ್ಪಿನ ಎರಡೂ ಬದಿಗಳನ್ನು ಹಿಡಿಯಿರಿ ಮತ್ತು ಅದು ಹೋಗುತ್ತಿರುವ ದಿಕ್ಕಿನಲ್ಲಿಯೇ ಅದಕ್ಕೆ‌‌ ನೋವಾಗದಂತೆ ಇಡಿ. ಆದ್ರೆ ನಿಮ್ಮ ಜೊತೆ ಆಮೆಯನ್ನು ತೆಗೆದುಕೊಂಡು ಹೋಗಬೇಡಿ ಅಥವಾ ಅದನ್ನು ಬೇರೆ ಪ್ರದೇಶಕ್ಕೆ ಸ್ಥಳಾಂತರಿಸಬೇಡಿ.

ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯಲ್ಲಿ ಜೀವಂತ ಆಮೆಯನ್ನು ಇಟ್ಟುಕೊಂಡರೆ ನೆಗೆಟಿವ್ ಎನರ್ಜಿ ಸೃಷ್ಟಿಯಾಗುತ್ತದೆ. ಆದ್ದರಿಂದ ಜೀವಂತ ಆಮೆಯನ್ನು ಮನೆಯಲ್ಲಿ ಇಡಬೇಡಿ ಎಂದು ಸಲಹೆ ನೀಡಲಾಗುತ್ತದೆ. ನಿಮ್ಮ ಕಚೇರಿ ಅಥವಾ ಮನೆಯಲ್ಲಿ ನೀವು ಆಮೆಯನ್ನು ಇಡಲು ಬಯಸಿದರೆ, ಜ್ಯೋತಿಷಿಯ ಮಾರ್ಗದರ್ಶನದ ಪ್ರಕಾರ ನೀವು ಮರ, ಹರಳು ಅಥವಾ ಲೋಹದಿಂದ ಮಾಡಿದ ಆಮೆಯನ್ನು ಇಡಬಹುದು.

ಇನ್ನು ಶುಕ್ರವಾರ, ಗುರುವಾರ ಮತ್ತು ಬುಧವಾರದಂತಹ ವಾರದ ದಿನಗಳನ್ನು ಮನೆಯಲ್ಲಿ ಆಮೆಯ ವಿಗ್ರಹಗಳನ್ನು ಖರೀದಿಸಲು ಮತ್ತು ಇರಿಸಿಕೊಳ್ಳಲು ಉತ್ತಮ ದಿನಗಳು ಎಂದು ವಾಸ್ತು‌ ಶಾಸ್ತ್ರದ ಪ್ರಕಾರ ಪರಿಗಣಿಸಲಾಗಿದೆ. ನಿಮ್ಮ ಮಲಗುವ ಕೋಣೆಯಲ್ಲಿ ಆಮೆಯ ಪ್ರತಿಮೆಯನ್ನು ಇಡುವುದು ನಿದ್ರಾಹೀನತೆಯ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ ಎಂಬ ನಂಬಿಕೆಯಿದೆ. ಆಮೆಗಳು ಅದೃಷ್ಟ, ಸಮೃದ್ಧಿ, ಸಂಪತ್ತು ಮತ್ತು ಶಾಂತಿಯನ್ನು ಆಕರ್ಷಿಸಲು ಸಹಾಯ ಮಾಡುತ್ತದೆ.

ಆಮೆಯನ್ನು ನೀರಿನಲ್ಲಿ ಇಡುವುದರಿಂದ ಅದರ ಪರಿಣಾಮವನ್ನು ದ್ವಿಗುಣಗೊಳಿಸುತ್ತದೆ. ನಿಮ್ಮ ವೃತ್ತಿಪರ ಮತ್ತು ವೈಯಕ್ತಿಕ ಜೀವನದಲ್ಲಿ ಸಾಮರಸ್ಯವನ್ನು ತರಲು ಆಮೆ ಸಹಾಯ ಮಾಡುತ್ತದೆ. ಪ್ರವೇಶ ದ್ವಾರದಲ್ಲಿ ಆಮೆ ಇಡುವುದರಿಂದ ನಿಮ್ಮ ಮನೆಯನ್ನು ನಕಾರಾತ್ಮಕ ಶಕ್ತಿಯಿಂದ ರಕ್ಷಿಸಲು ಸಹಾಯ ಮಾಡುತ್ತದೆ. ಉತ್ತರ ದಿಕ್ಕಿನಲ್ಲಿ ಆಮೆಯನ್ನು ಇಡುವುದು ನಿಮ್ಮ ವೃತ್ತಿ ಜೀವನಕ್ಕೆ ತುಂಬಾ ಒಳ್ಳೆಯದು.

ವಾಸ್ತು ನಿಯಮಗಳ ಪ್ರಕಾರ ನೀವು ಮನೆಯಲ್ಲಿ ಆಮೆಯನ್ನು ಇಡಲು ಬಯಸಿದರೆ, ನಿಮ್ಮ ಮನೆಯಲ್ಲಿ ಯಾವುದೇ ಲೋಹದ ಆಮೆಯನ್ನು ಇರಿಸಬಹುದು. ಲೋಹದ ಆಮೆ ​​ಮನೆಗೆ ಸಂತೋಷ ಮತ್ತು ಧನಾತ್ಮಕ ಶಕ್ತಿಯನ್ನು ತರುತ್ತದೆ. ಈ ರೀತಿಯ ಆಮೆಯು ನಕಾರಾತ್ಮಕ ಶಕ್ತಿಯನ್ನು ತೆಗೆದುಹಾಕುತ್ತದೆ ಮತ್ತು ಧನಾತ್ಮಕ ಶಕ್ತಿಯನ್ನು ಹೀರಿಕೊಳ್ಳುತ್ತದೆ ಮತ್ತು ಅದನ್ನು ಮನೆಯ ಸುತ್ತಲೂ ಹರಡುತ್ತದೆ.

ಮನೆಯ ಉತ್ತರ ಅಥವಾ ವಾಯುವ್ಯ ದಿಕ್ಕಿನಲ್ಲಿ ಲೋಹದ ಆಮೆಯನ್ನು ಇಡಬೇಕು. ಇದು ಮಕ್ಕಳ ಜೀವನದಲ್ಲಿ ಉತ್ತಮ ಭವಿಷ್ಯವನ್ನು ಆಕರ್ಷಿಸುತ್ತದೆ ಮತ್ತು ಏಕಾಗ್ರತೆಯನ್ನು ಸುಧಾರಿಸುತ್ತದೆ.

ನಿಮ್ಮ ಮನೆಗೆ ಸಂಪತ್ತು, ಸಕಾರಾತ್ಮಕ ಶಕ್ತಿ, ವಾತ್ಸಲ್ಯ ಮತ್ತು ಶಾಂತತೆಯನ್ನು ಆಕರ್ಷಿಸಲು, ನೀವು ಮರದ ಆಮೆಯನ್ನು ಮನೆಯಲ್ಲಿ ಸರಿಯಾದ ಸ್ಥಳದಲ್ಲಿ ಇರಿಸಬಹುದು. ಅಂತಹ ಆಮೆ ಲಕ್ಷ್ಮಿಯನ್ನು ಮನೆಗೆ ಆಕರ್ಷಿಸುತ್ತದೆ. ಅಂತಹ ಆಮೆಯನ್ನು ಮನೆಯಲ್ಲಿ ಇಡುವುದರಿಂದ ಆರ್ಥಿಕ ಸ್ಥಿತಿ ಸುಧಾರಿಸುತ್ತದೆ. ಮರದ ಆಮೆಯನ್ನು ಪೂರ್ವ ಅಥವಾ ಆಗ್ನೇಯ ದಿಕ್ಕಿನಲ್ಲಿ ಇರಿಸಬಹುದು, ಇದು ಕುಟುಂಬ ಸದಸ್ಯರಿಗೆ ಸಂತೋಷ, ಅದೃಷ್ಟ ಮತ್ತು ಯಶಸ್ಸನ್ನು ತರುತ್ತದೆ. ಇನ್ನು ಮನೆಯಲ್ಲಿ ಹರಳಿನ ಆಮೆಯನ್ನು ಇಡುವುದರಿಂದ ಮನೆಯಲ್ಲಿ ಆನಂದ ಉಂಟಾಗುತ್ತದೆ. ನೀವು ಮನೆಯಲ್ಲಿ ಹರಳಿನ ಆಮೆಯನ್ನು ಇಟ್ಟುಕೊಂಡರೆ, ವಾಸ್ತು ಶಾಸ್ತ್ರದ ಪ್ರಕಾರ, ಅದು ನಿಮ್ಮ ಪ್ರಗತಿಗೆ ಕಾರಣವಾಗಿದೆ.