ಮತ್ತೊಂದು ಇಂಟ್ರಸ್ಟಿಂಗ್‌ ವಿಡಿಯೋ ಹಂಚಿಕೊಂಡ ಆನಂದ್​ ಮಹೀಂದ್ರಾ

ಉದ್ಯಮಿ ಆನಂದ್​ ಮಹೀಂದ್ರಾ ಸಾಮಾಜಿಕ ಜಾಲತಾಣದಲ್ಲಿ ಉತ್ತಮ ವಿಷಯದ ಹುಡುಕಾಟವು ಶ್ಲಾಘನೀಯ. ಪ್ರತಿ ದಿನ ಹೊಸ ಹೊಸ ವಿಷಯಗಳೊಂದಿಗೆ ಹಾಜರಾಗುತ್ತಾರೆ. ಅವರ ಟ್ವಿಟರ್​ ಹ್ಯಾಂಡಲ್​ ಅನೇಕರಿಗೆ ಜ್ಞಾನ ನೀಡುವ ಅಥವಾ ಮನರಂಜನಾ ಸ್ಥಳ. ಅವರ ಸ್ಟಾಕ್​ಗೆ ಈಗ ಮತ್ತೊಂದು ಸೇರ್ಪಡೆಯಾಗಿದೆ. ವಿಶಿಷ್ಟ ಕಲ್ಪನೆಯ ಗೇಟ್​ ಆನಂದ್​ ಮಹೀಂದ್ರಾ ಗಮನ ಸೆಳೆದಿದೆ.

ವಿಡಿಯೋದಲ್ಲಿ, ಮೊದಲು ಕಾರೊಂದು ಕಾಣಿಸುತ್ತದೆ. ನಿಧಾನವಾಗಿ ವಿಡಿಯೋ ಪೂರ್ಣಗೊಳಿಸಿದಾಗ ಅಯ್ಯೋ ಇದು ಗೇಟ್​ ಎಂಬ ಅರಿವಿಗೆ ಬರುತ್ತದೆ. ಕಾರನ್ನು ಗೇಟ್​ಗೆ ಅಳವಡಿಸಲಾಗಿದ್ದು, ವಾಹನದ ಚಕ್ರಗಳು ಗೇಟ್​ಗೆ ರೋಲರ್​ಗಳಾಗಿ ಕಾರ್ಯನಿರ್ವಹಿಸುತ್ತವೆ. ಕಾರಿನ ಟೈರ್​ ಮೇಲೆ ಗೇಟ್​ ರೋಲಿಂಗ್​ ಮತ್ತು ಮುಚ್ಚುವುದರೊಂದಿಗೆ ವಿಡಿಯೊ ಪ್ರಾರಂಭವಾಗುತ್ತದೆ. ಒಬ್ಬ ವ್ಯಕ್ತಿ, ಗೇಟ್​ ಅನ್ನು ನಿಯಂತ್ರಿಸುತ್ತಾನೆ, ನಂತರ ಕಾರಿನ ಬಾಗಿಲಿನ ಮೂಲಕ ಹೊರ ಬರುತ್ತಾನೆ.

ಈ ಆಸಕ್ತಿದಾಯಕ ತಯಾರಿಕೆಯ ಕ್ಲಿಪ್​ ಅನ್ನು ಹಂಚಿಕೊಂಡ ಮಹೀಂದ್ರಾ, ಶೀರ್ಷಿಕೆಯಲ್ಲಿ ಒಂದು ರೀತಿಯ ರಸಪ್ರಶ್ನೆಯನ್ನು ಮಂಡಿಸುತ್ತಾ, “ಈ ವ್ಯಕ್ತಿ: 1) ಒಬ್ಬ ಕಾರು ಪ್ರೇಮಿ? 2) ಯಾರೂ ತನ್ನ ಮನೆಗೆ ಪ್ರವೇಶಿಸಲು ಪ್ರಯತ್ನಿಸಲು ಬಯಸದ ಅಂತರ್ಮುಖಿ? 3) ಹಾಸ್ಯದ ಚಮತ್ಕಾರಿ ಪ್ರಜ್ಞೆ ಹೊಂದಿರುವಾತ, 4) ಮೇಲಿನ ಎಲ್ಲಾ ಅಂಶ?

ಅವರು ವಿಡಿಯೋ ಹಂಚಿಕೊಂಡಾಗಿನಿಂದ, ಸಾಕಷ್ಟು ವೀಕ್ಷಣೆ ಕಂಡಿದೆ. ಚಿಕ್ಕ ಬಾಗಿಲಿನಂತೆಯೇ ಕಾರು ಸೌಂದರ್ಯವರ್ಧಕವಾಗಿ ಕಾರ್ಯನಿರ್ವಹಿಸುವುದನ್ನು ರಂಜಿಸಿದೆ.

ಒಬ್ಬ ನೆಟ್ಟಿಗರು 5ನೇ ಆಪ್ಶನ್​ ನೀಡಿ ಶೂನ್ಯ ತ್ಯಾಜ್ಯದ ಫಿಲಾಸಫಿಯೊಂದಿಗೆ ಪರಿಸರವಾದಿ ಮತ್ತು ಮರುಬಳಕೆಯಲ್ಲಿ ನಂಬಿಕೆಯುಳ್ಳವರು ಎಂದು ಹಾಸ್ಯ ಮಾಡಿದ್ದಾರೆ.