ಸೆಲ್ಫಿ ಕ್ಲಿಕ್ಕಿಸಲು ಬಂದ ಅಭಿಮಾನಿಯನ್ನು ತರಾಟೆಗೆ ತೆಗೆದುಕೊಂಡ ಸಲ್ಲು ಭಾಯ್..​..!

ಅಭಿಮಾನಿಗಳಿಗೆ ತಮ್ಮ ನೆಚ್ಚಿನ ಹೀರೋಗಳ ಜೊತೆ ಸೆಲ್ಫಿ ತೆಗೆದುಕೊಳ್ಳೋದು ಅಂದರೆ ಅದೊಂತರಾ ಕ್ರೇಜ್​ ಇದ್ದಂಗೆ. ಆದರೆ ಬಹಳಷ್ಟು ಸೆಲೆಬ್ರಿಟಿಗಳು ಇದಕ್ಕೆ ಕಿರಿಕಿರಿ ಮಾಡಿಕೊಳ್ಳುವುದು ಇದೆ. ಇಂತದ್ದೇ ಒಂದು ಅನುಭವ ಸಲ್ಮಾನ್​ ಖಾನ್​ ಅಭಿಮಾನಿಗೂ ಸಹ ಆಗಿದೆ.

ಕ್ಯಾಮರಾ ಕಣ್ಣಿಗೆ ನಟ ಸಲ್ಮಾನ್​ ಪೋಸ್​ ನೀಡುತ್ತಿದ್ದ ವೇಳೆ ಬಂದ ಅಭಿಮಾನಿ ತನ್ನ ಸೆಲ್ಫಿ ಕ್ಯಾಮರಾ ಆನ್​ ಮಾಡಿದ್ದಾನೆ. ಮೊದಲು ಪಪ್ಪರಾಜೆಗಳ ಕ್ಯಾಮರಾಗಳಿಗೆ ಅಭಿಮಾನಿಯೊಂದಿಗೆ ಸಲ್ಮಾನ್​ ಪೋಸ್​ ನೀಡಿದ್ದರು. ಆದರೆ ಅಭಿಮಾನಿ ಸೆಲ್ಫಿ ಕ್ಯಾಮರಾದಲ್ಲಿಯೂ ಸಲ್ಮಾನ್​ ಜೊತೆ ಫೋಟೋ ತೆಗೆದುಕೊಳ್ಳಲು ಬಯಸಿದ್ದನು.

ಮೊದಲು ಕ್ಯಾಮರಾಮ್ಯಾನ್​ಗಳು ಫೋಟೋ ತೆಗೆಯುತ್ತಿದ್ದಾರೆ ಎಂದು ಅಭಿಮಾನಿಗೆ ಸಲ್ಮಾನ್​ ಹೇಳಿದ್ದಾರೆ. ಆದರೂ ಅಭಿಮಾನಿ ಮಾತ್ರ ಸೆಲ್ಫಿ ತೆಗೆದುಕೊಳ್ಳುವುದನ್ನು ನಿಲ್ಲಿಸಲಿಲ್ಲ. ಇದರಿಂದ ತಾಳ್ಮೆ ಕಳೆದುಕೊಂಡ ಸಲ್ಮಾನ್​ ಖಾನ್​ ಕುಣಿಯೋದನ್ನು ನಿಲ್ಲಿಸು ಎಂದು ಗದರಿದ್ದಾರೆ. ಇದಾದ ಬಳಿಕ ಅಭಿಮಾನಿ ಫೋಟೋ ತೆಗೆದುಕೊಳ್ಳೋದನ್ನು ನಿಲ್ಲಿಸಿದ್ದಾನೆ.

ಅಂತಿಮ್​ ಸಿನಿಮಾದ ಪ್ರಮೋಷನ್​ನಲ್ಲಿ ಸದ್ಯ ಸಲ್ಮಾನ್​ ಖಾನ್​ ಬ್ಯುಸಿಯಾಗಿದ್ದಾರೆ. ಮಹೇಶ್​ ಮಂಜ್ರೇಕರ್​ ನಿರ್ದೇಶನದ ಈ ಸಿನಿಮಾ ಈ ತಿಂಗಳ ಕೊನೆಯಲ್ಲಿ ಬಿಡುಗಡೆಗೊಳ್ಳಲಿದೆ.

https://youtu.be/zpcS54qT6Y8