ಕೆಲಸ ಕೊಟ್ಟ ಕಂಪನಿ ಎದುರು ಈಕೆ ಮಾಡಿದ್ದೇನು ಗೊತ್ತಾ..? ನೋಡಿದ್ರೆ ನಕ್ಕು ಬಿಡ್ತೀರಿ

ಕೆಲಸ ಸಿಕ್ಕಿದ ಖುಷಿಯಲ್ಲಿ ಯುವತಿಯೊಬ್ಬಳು ಅದೇ ಕಂಪನಿ ಮುಂದೆ ಡಾನ್ಸ್ ಮಾಡಿದ ಸಂಭ್ರಮದ ವಿಡಿಯೋ ಒಂದು ಜಾಲತಾಣದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಯುವತಿಯ ನೃತ್ಯಕ್ಕೆ ಫಿದಾ ಆಗಿದ್ದಾರೆ.

ಸಂಸ್ಥೆಯ ಮುಖ್ಯಸ್ಥೆ ಡಾಕ್ರ ಸ್ಪೆನ್ಸ್ ತನ್ನ ಇನ್ ಸ್ಟಾಗ್ರಾಮ್ ನಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದು, ನಾನು ಆಕೆಯನ್ನು ಕೆಲಸಕ್ಕೆ ತೆಗೆದುಕೊಂಡೆ. ಅದಕ್ಕೆ ಅವಳ ಪ್ರತಿಕ್ರಿಯೆ ಇದು ಎಂದು ಬರೆದಿದ್ದಾರೆ.

ಪಾರ್ಕಿಂಗ್ ಜಾಗದ ಸೆಕ್ಯುರಿಟಿ ಕ್ಯಾಮರಾದಲ್ಲಿ ಆಕೆಯ ಖುಷಿ ಸೆರೆಯಾಗಿದ್ದು, ಕಂಪನಿಯಿಂದ ಖುಷಿ ತುಂಬಿಕೊಂಡು ಗಂಭೀರವಾಗಿ ಹೊರಬರುವ ಯುವತಿ, ಪಾರ್ಕಿಂಗ್ ಲಾಟ್ ನಲ್ಲಿ ಅತ್ತ-ಇತ್ತ ಯಾರಾದರೂ ಇದ್ದಾರಾ ಎಂದು ಇಣುಕಿ ನೋಡುತ್ತಾಳೆ. ಯಾರೂ ಇಲ್ಲದ್ದನ್ನು ಮನದಟ್ಟು ಮಾಡಿಕೊಂಡು, ಎರಡು ಕುಣಿತ ಕುಣಿದು, ಅಷ್ಟೇ ಗಂಭೀರವಾಗಿ ಅಲ್ಲಿಂದ ನಡೆದುಬಿಡುತ್ತಾಳೆ.

5 ಲಕ್ಷಕ್ಕೂ ಹೆಚ್ಚು ಜನರು ವಿಡಿಯೋ ವೀಕ್ಷಿಸಿದ್ದಾರೆ. ಕಮೆಂಟ್ ಬಾಕ್ಸ್ ತುಂಬಾ ಕಮೆಂಟ್ ಗಳು ಬರುತ್ತಲೇ ಇವೆ. ಯಾರೂ ನೋಡಿಲ್ಲ ಎಂದುಕೊಂಡು ಕುಣಿದುಬಿಟ್ಟೆ ಎಂಬ ಕಮೆಂಟ್ ಕೂಡ ಇದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಅನೇಕರು, ಹೆದರುವುದು ಬೇಡ. ಕುಣಿಯಿರಿ ಎಂದು ಧೈರ್ಯ ತುಂಬಿದ್ದಾರೆ.

https://www.instagram.com/p/CFvR5L8AnTU/?utm_source=ig_web_copy_link