ಅಮೆರಿಕದ ಪಾಪ್ ಸಿಂಗರ್ ಲೇಡಿ ಗಾಗಾ ಈ ಹಿಂದೆ ಕಳೆದು ಹೋದ ತಮ್ಮ ಎರಡು ಫ್ರೆಂಚ್ ಬುಲ್ಡಾಗ್ಗಳನ್ನ ಹುಡುಕಿಕೊಟ್ಟವರಿಗೆ ಬರೋಬ್ಬರಿ ಮೂರುವರೆ ಕೋಟಿ ರೂಪಾಯಿ ಬಹುಮಾನ ನೀಡೋದಾಗಿ ಘೋಷಣೆ ಮಾಡಿದ್ದರು. ಇದಾದ ಬಳಿಕ ಮಹಿಳೆಯೊಬ್ಬರು ಈ ಶ್ವಾನಗಳನ್ನ ಹುಡುಕಿಕೊಟ್ಟಿದ್ದರು ಆದರೆ ಆಕೆಗೆ ಇನ್ನೂ ಬಹುಮಾನದ ಮೊತ್ತ ದೊರಕಿಲ್ಲವಂತೆ..!
ಎರಡು ಶ್ವಾನಗಳಾದ ಕೋಜಿ ಹಾಗೂ ಗುಸ್ತಾವ್ ಕಳ್ಳತನದಲ್ಲಿ ಮಹಿಳೆಯ ಪಾತ್ರ ಏನೂ ಇಲ್ಲ ಅನ್ನೋದನ್ನ ಪೊಲೀಸರು ದೃಢೀಕರಣ ನೀಡದ ಹೊರತು ಮಹಿಳೆಗೆ ಹಣ ಸಿಗೋದಿಲ್ವಂತೆ.
ಫೆಬ್ರವರಿ 24ನೇ ತಾರೀಖಿನಂದು ಕಳ್ಳರು ಶ್ವಾನವನ್ನ ಕದ್ದೊಯ್ದಿದ್ದರು. ಮೂರು ಶ್ವಾನಗಳಲ್ಲಿ ಮಿಸ್ ಏಷ್ಯಾ ಕಳ್ಳರ ಕೈಯಿಂದ ಬಚಾವಾಗಿದ್ದರೆ, ಕೋಜಿ ಹಾಗೂ ಗುಸ್ತಾವಾ ಕಾಣೆಯಾಗಿತ್ತು. ಪ್ರಕರಣ ನಡೆದ 48 ಗಂಟೆಗಳ ಅವಧಿಯಲ್ಲಿ ಮಹಿಳೆಯೊಬ್ಬರು ನಾಯಿಗಳನ್ನ ಪೊಲೀಸ್ ಠಾಣೆಗೆ ತಂದೊಪ್ಪಿಸಿದ್ದರು. ಆದರೆ ಈ ಮಹಿಳೆ ಶ್ವಾನಗಳನ್ನ ಅಪಹರಣ ಮಾಡಿಲ್ಲ ಎಂದು ಇನ್ನೂ ದೃಢೀಕರಿಸದ ಕಾರಣ ಬಹುಮಾನ ಮೊತ್ತ ನೀಡೋದು ವಿಳಂಬವಾಗ್ತಿದೆ.
Loading ...