ನೈಟ್ ಕರ್ಫ್ಯೂನಲ್ಲೂ ಸುತ್ತಾಡಬೇಕು ಅಂತಾ ಪತಿ ಕತ್ತಿಗೆ ಬೆಲ್ಟ್ ತೊಡಿಸಿದ ಪತ್ನಿ..!

ಕೊರೊನಾ ವೈರಸ್​ ಹರಡುವಿಕೆಯನ್ನ ಕಡಿಮೆ ಮಾಡಲಿಕ್ಕೋಸ್ಕರ ವಿಶ್ವದ ಎಲ್ಲಾ ರಾಷ್ಟ್ರಗಳು ಒಂದಿಲ್ಲೊಂದು ಮುನ್ನೆಚ್ಚರಿಕಾ ಕ್ರಮಗಳನ್ನ ಜಾರಿ ಮಾಡುತ್ತಲೇ ಇದೆ.

ಅದೇ ರೀತಿ ಕೆನಡಾದ ಕ್ವಿಬೆಕ್​ನಲ್ಲಿ ರಾತ್ರಿ 8ರಿಂದ ಬೆಳಗ್ಗೆ 5 ಗಂಟೆಯವರೆಗೆ ನಾಲ್ಕು ವಾರಗಳ ಕರ್ಫ್ಯೂ ಜಾರಿ ಮಾಡಲಾಗಿದೆ. ಈ ನೈಟ್​ ಕರ್ಫ್ಯೂಗೆ ಕೆಲ ವಿನಾಯಿತಿಯನ್ನೂ ನೀಡಲಾಗಿದೆ. ಕಾರ್ಮಿಕರಿಗೆ ಹಾಗೂ ಸಾಕು ಪ್ರಾಣಿಗಳನ್ನ ಹೊಂದಿರುವವರಿಗೆ ನೈಟ್​ ಕರ್ಫ್ಯೂ ಅವಧಿಯಲ್ಲಿ ಸಂಚಾರ ಮಾಡಲು ಅವಕಾಶ ನೀಡಲಾಗಿದೆ.

ಆದರೆ ಈ ವಿನಾಯಿತಿಯ ಲಾಭ ಪಡೆಯಲು ಮುಂದಾದ ಮಹಿಳೆಯೊಬ್ಬಳು ಶೆಬ್ರೂಕ್​ನ ಕಿಂಗ್​ ಸ್ಟ್ರೀಸ್​​ ಈಸ್ಟ್​​ನಲ್ಲಿ ತನ್ನ ಪತಿಯ ಕುತ್ತಿಗೆಗೆ ಬೆಲ್ಟ್ ತೊಡಿಸಿ ವಾಕ್​ ಮಾಡುವ ಮೂಲಕ ಸುದ್ದಿಯಾಗಿದ್ದಾಳೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಶೆಬ್ರೂಕ್​ ಪೊಲೀಸ್​ ಠಾಣೆಯ ಅಧಿಕಾರಿ, ಈ ದಂಪತಿ ಪೊಲೀಸರ ವಿಚಾರಣೆಗೆ ಸಹಕರಿಸಿಲ್ಲ. ಅಲ್ಲದೇ ಮಹಿಳೆ ತಾನು ನೈಟ್​ ಕರ್ಫ್ಯೂ ನಿಯಮವನ್ನ ಪಾಲನೆ ಮಾಡಿದ್ದೇನೆ ಎಂದೇ ವಾದ ಮಾಡುತ್ತಿದ್ದಳು. ಈ ತಪ್ಪಿಗಾಗಿ ಅವರಿಬ್ಬರಿಗೆ ತಲಾ 1,09,958 ರೂ. ದಂಡ ವಿಧಿಸಲಾಗಿದೆ. ಇದನ್ನ ಪಾವತಿಸಲೂ ದಂಪತಿ ಕಿರಿಕ್ ಮಾಡಿದ್ದಾರೆ ಎಂದು ಹೇಳಿದ್ರು.