ಪೆಟ್ ಕ್ಯಾಮೆರಾದಲ್ಲಿ ಸೆರೆಯಾಯ್ತು ವಿಚಿತ್ರ ಜೀವಿ

ಆಧುನಿಕ ತಂತ್ರಜ್ಞಾನದ ನೆರವಿನಿಂದ ನಾಯಿಗಳ ಮಾಲೀಕರಿಗೆ ತಮ್ಮ ಮುದ್ದು ಪ್ರಾಣಿಗಳ ಮೇಲೆ ಸದಾ ಕಣ್ಣಿಡಲು ಸಾಧ್ಯವಾಗಿದೆ. ಆದರೆ ಕೆಲವೊಮ್ಮೆ ಇದೇ ತಂತ್ರಜ್ಞಾನ ನಮನ್ನು ಗುಗ್ಗು ಮಾಡುವ ಸಾಧ್ಯತೆಗಳೂ ಸಹ ಸಾಕಷ್ಟಿವೆ.

ಮಹಿಳೆಯೊಬ್ಬರು ತಾವು ಸಾಕಿದ ನಾಯಿಗಳು ವಿಚಿತ್ರವಾದ ಜೀವಿಯನ್ನು ನೋಡಿಕೊಂಡು ಬೊಗಳುತ್ತಿರುವುದನ್ನು ಮನೆಯ ವಿಡಿಯೋದಲ್ಲಿ ನೋಡಿ ದಂಗು ಬಡಿದಿದ್ದಾರೆ. ತಮ್ಮ ಪೆಟ್ ಕ್ಯಾಮೆರಾದಲ್ಲಿ ಈ ಫುಟೇಜ್‌ ಅನ್ನು ಈ ಮಹಿಳೆ ಸೆರೆಹಿಡಿದಿದ್ದಾರೆ.

ಸೋಫಾವೊಂದರ ಬ್ಯಾಕ್ ‌ರೆಸ್ಟ್ ಮೇಲೆ ನಿಂತಿದ್ದ ಜೀವಿಯೊಂದರಂತೆ ಕಾಣುವ ಆಕೃತಿಯೊಂದನ್ನು ನೋಡಿಕೊಂಡು ಈ ನಾಯಿಗಳು ಅತ್ತಿಂದಿತ್ತ ಓಡಾಡಿಕೊಂಡು ಬೊಗಳುತ್ತಿರುವುದನ್ನು ಇಲ್ಲಿ ಶೇರ್‌ ಮಾಡಿಕೊಂಡಿರುವ 39 ಸೆಕೆಂಡ್‌ಗಳ ವಿಡಿಯೋದಲ್ಲಿ ಕಾಣಬಹುದಾಗಿದೆ. ನೋಡ ನೋಡುತ್ತಿದ್ದಂತೆಯೇ ಸೋಫಾದ ಬ್ಯಾಕ್‌ ರೆಸ್ಟ್‌ ಮೇಲೆ ಇರುವ ಬಿಳಿಯ ಪರದೆಯು ಯಾರೂ ಟಚ್‌ ಮಾಡದೇ ಇದ್ದರೂ ಸಹ ಅಲುಗಾಡಲಾರಂಭಿಸಿದೆ.

https://www.youtube.com/watch?time_continue=2&v=cDQzLI3J5Qs&feature=emb_logo