10 ಮಕ್ಕಳನ್ನು ಹೆತ್ತ ಮಹಾತಾಯಿಗೆ ಇನ್ನೂ ಇಬ್ಬರು ಬೇಕಂತೆ…!

ಕಳೆದ 10 ವರ್ಷಗಳಲ್ಲಿ 10 ಮಕ್ಕಳಿಗೆ ಜನ್ಮವಿತ್ತಿರುವ ಅಮೆರಿಕದ ಮಹಿಳೆಯೊಬ್ಬರಿಗೆ ಇನ್ನೂ ಇಬ್ಬರು ಮಕ್ಕಳು ಬೇಕಂತೆ…!

ಕರ್ಟ್ನಿ ರೋಜರ್ಸ್ ಹೆಸರಿನ 36 ವರ್ಷದ ಈ ಮಹಿಳೆ ತನ್ನ ಪತಿ ಕ್ರಿಸ್ ರೋಜರ್ಸ್ ಜೊತೆಗೆ 2008ರಲ್ಲಿ ಗೃಹಸ್ಥಾಶ್ರಮ ಪ್ರವೇಶಿಸಿದ್ದಾರೆ. 2010ರಲ್ಲಿ ಮೊದಲ ಮಗುವನ್ನು ಬರಮಾಡಿಕೊಂಡ ಈ ಜೋಡಿ, ಅಲ್ಲಿಂದ ಮುಂದಿನ 9 ವರ್ಷಗಳ ಕಾಲ 9 ಮಕ್ಕಳನ್ನು ಹುಟ್ಟಿಸಿದ್ದಾರೆ. ಇದೀಗ ತನ್ನ 11ನೇ ಮಗುವಿನ ನಿರೀಕ್ಷೆಯಲ್ಲಿರುವ ಕೋರ್ಟ್ನಿ, ನವೆಂಬರ್‌ 19ರಂದು ಡೆಲಿವರಿ ಡೇಟ್ ಪಡೆದುಕೊಂಡಿದ್ದಾರೆ.

ಸದ್ಯ ಜನಿಸಿರುವ ಹತ್ತು ಮಕ್ಕಳ ಪೈಕಿ ಆರು ಗಂಡು ಹಾಗೂ ನಾಲ್ಕು ಹೆಣ್ಣಾಗಿದ್ದು, ಇವರೆಲ್ಲ ಹೆಸರುಗಳು C ಅಕ್ಷರದಿಂದ ಆರಂಭವಾಗುತ್ತದೆ. ಗಂಡ-ಹೆಂಡತಿ ಸೇರಿದಂತೆ ಒಟ್ಟು 14 ಜನರ ಕುಟುಂಬ ಮಾಡಿಕೊಳ್ಳುವ ’ಫ್ಯಾಮಿಲಿ ಪ್ಲಾನಿಂಗ್’ ಈ ಜೋಡಿಯದ್ದು.