ಮದುವೆ ನಿಲ್ಲಲು ಕಾರಣಳಾಗಿದ್ದವಳ ವಿರುದ್ದ ವಿಚಿತ್ರ ರೀತಿಯಲ್ಲಿ ಸೇಡು ತೀರಿಸಿಕೊಂಡ ಯುವತಿ

ತನ್ನ ಮಾಜಿ ನಿಶ್ಚಿತ ವರನೊಂದಿಗೆ ಸಂಬಂಧ ಬೆಳೆಸಿಕೊಂಡು ಮದುವೆ ನಿಂತು ಹೋಗಲು ಕಾರಣಳಾಗಿದ್ದವಳ ಬಾಯ್​ ಫ್ರೆಂಡ್​ ಜೊತೆಯೇ ಮದುವೆಯಾಗುವ ಮೂಲಕ ಯುವತಿಯೊಬ್ಬಳು ಸೇಡು ತೀರಿಸಿಕೊಂಡಿದ್ದಾಳೆ.

ಸ್ಕಾಟ್​​ಲೆಂಡ್​ನ ಜೇಡ್​ ಪುರ್ವಿಸ್, ಟಿಕ್​ಟಾಕ್​ನಲ್ಲಿ ತನ್ನ ಕತೆಯನ್ನ ಶೇರ್​ ಮಾಡಿದ್ದು ಈ ವಿಡಿಯೋ ಸಖತ್​ ವೈರಲ್​ ಆಗಿದೆ. ತನ್ನ ಮದುವೆ ನಿಂತು ಹೋಗಲು ಕಾರಣಳಾದವಳ ಬಾಯ್​ಫ್ರೆಂಡ್​ ಜೊತೆಯೇ ಮೂರು ವರ್ಷಗಳ ಕಾಲ ಸಂಬಂಧ ಬೆಳೆಸಿ ಆತನ ಜೊತೆ ಎಂಗೇಜ್​ಮೆಂಟ್​​ ಮಾಡಿಕೊಂಡಿದ್ದಾಳೆ.

ಅಲ್ಲದೇ ಆ ಯುವತಿ ತನ್ನ ಬಾಯ್​ಫ್ರೆಂಡ್​ಗೂ ವಂಚನೆ ಮಾಡಿದ್ದಳು ಎಂಬ ಅಂಶವನ್ನೂ ಹೇಳಿದ್ದಾಳೆ. ಇದೀಗ ಮೋಸ ಹೋಗಿದ್ದ ಇಬ್ಬರು ಮದುವೆಯಾಗುವ ಮೂಲಕ ದ್ವೇಷ ತೀರಿಸಿಕೊಂಡಿದ್ದಾರೆ. ಅಂದ ಹಾಗೆ ಇದು ನಿನ್ನೆ ಮೊನ್ನೆಯ ಕತೆಯಲ್ಲ. 7 ವರ್ಷದ ಹಿಂದಿನ ಕತೆಯಾಗಿದೆ. ಹಾಗೂ 4 ವರ್ಷದ ಹಿಂದೆ ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ.