ಸೋಫಾ ಮಾರಿದ್ದ ಮಹಿಳೆಗೆ ಬಳಿಕ ಕಾದಿತ್ತು ಭರ್ಜರಿ ಶಾಕ್.​..!

ಸೆಕೆಂಡ್​ ಹ್ಯಾಂಡ್​ಗೆ ಯಾವುದಾದರೂ ವಸ್ತುಗಳನ್ನ ಮಾರಾಟ ಮಾಡಬೇಕು ಅಂದಾಗ ಅದರಲ್ಲಿ ಲಾಭ ಹುಡುಕೋದು ಕೊಂಚ ಕಷ್ಟವೇ. ನಾವು ಈಗಾಗಲೇ ಆ ವಸ್ತುವನ್ನ ಬಳಕೆ ಮಾಡಿರೋದ್ರಿಂದ ಅದು ಕಡಿಮೆ ಬೆಲೆಗೆ ಮಾರಾಟವಾಗುತ್ತದೆ.

ಇದೇ ರೀತಿ ಮಹಿಳೆಯೊಬ್ಬರು 36, 500 ರೂಪಾಯಿಗೆ ತಮ್ಮ ಮನೆಯ ಸೋಫಾವನ್ನ ಮಾರಾಟ ಮಾಡಿದ್ದರು. ಬಳಿಕ ಆ ಸೋಫಾದ ನಿಜವಾದ ಬೆಲೆ 14.6 ಲಕ್ಷ ರೂಪಾಯಿ ಎಂದು ತಿಳಿದಾಗ ಶಾಕ್​ ಆಗಿದ್ದಾರೆ.

ಹಿರಿಯ ಜೀವದ ’ಬಿಯರ್‌’ ಬಯಕೆ ಈಡೇರಿಸಿದ ಹೃದಯವಂತ

ಟಿಕ್​ಟಾಕ್​ನಲ್ಲಿ ಜೂಲ್ಸ್ ಶ್ರೇನರ್​ ಎಂಬವರು ತಮಗಾದ ಈ ಸೋಫಾ ಅನುಭವವನ್ನ ಶೇರ್​ ಮಾಡಿದ್ದಾರೆ. ಯಾರಿಂದಲೋ ಉಚಿತವಾಗಿ ಈ ಸೋಫಾವನ್ನ ಪಡೆದಿದ್ದ ಜೂಲ್ಸ್ ಫೇಸ್​ಬುಕ್​ನಲ್ಲಿ ಇದರ ಮಾರಾಟ ಮಾಡುತ್ತಿರೋದ್ರ ಬಗ್ಗೆ ಜಾಹೀರಾತನ್ನ ಹಾಕಿದ್ದಳು. ಇದಕ್ಕೆ 500 ಡಾಲರ್​ ಮೌಲ್ಯವನ್ನ ನಿಗದಿ ಮಾಡಲಾಗಿತ್ತು. ಹಾಗೂ ಕೆಲವೇ ಸೆಕೆಂಡ್​ಗಳನ್ನ ಈ ಸೋಫಾವನ್ನ ಯಾರೋ ಖರೀದಿ ಮಾಡಿದ್ದಾರೆ.

ಇದಾದ ಬಳಿಕ ಸೋಫಾ ಖರೀದಿ ಮಾಡಿದ ವ್ಯಕ್ತಿ ಇನ್ಸ್ಟಾಗ್ರಾಂನಲ್ಲಿ ಸೋಫಾದ ಬ್ರ್ಯಾಂಡ್​ ಹೆಸರನ್ನ ಉಲ್ಲೇಖಿಸಿ ಫೋಟೋ ಶೇರ್​ ಮಾಡಿದ್ದರು. ಈ ಸೋಫಾದ ಬ್ರ್ಯಾಂಡ್​ನ್ನು ಜೂಲ್ಸ್ ಗೂಗಲ್​ ಮಾಡಿ ನೋಡಿದಾಗ ಅದರ ನಿಜವಾದ ಬೆಲೆ ತಿಳಿದು ದಿಗ್ಭ್ರಮೆಗೊಳಗಾಗಿದ್ದಾರೆ.

ಈ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದ್ದು ನೆಟ್ಟಿಗರಿಂದ ವ್ಯಾಪಕ ಪ್ರತಿಕ್ರಿಯೆಯನ್ನ ಗಳಿಸಿದೆ.