ಭ್ರಷ್ಟಾಚಾರ ಖಂಡಿಸಿ ಪತ್ರಕರ್ತರು ಮಾಡಿದ ಕಾರ್ಯಕ್ಕೆ ನೆಟ್ಟಿಗರ ಮೆಚ್ಚುಗೆ

ಪಾಕಿಸ್ತಾನದ ಪತ್ರಕರ್ತರು ಸಚಿವರ ಸುದ್ದಿಗೋಷ್ಠಿಯನ್ನೇ ಬಾಯ್ಕಾಟ್​ ಮಾಡಿದ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಪಾಕಿಸ್ತಾನ ಪತ್ರಕರ್ತರ ಈ ಧೈರ್ಯಕ್ಕೆ ನೆಟ್ಟಿಗರು ತಲೆಬಾಗಿದ್ದಾರೆ.

ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳಲಾದ ಮಾಹಿತಿಯ ಪ್ರಕಾರ, ಈ ಘಟನೆ ಪಾಕಿಸ್ತಾನದಲ್ಲಿ ನಡೆದಿದೆ. ಸುದ್ದಿಗೋಷ್ಠಿಗಾಗಿ ಪತ್ರಕರ್ತರು ನಿಗದಿತ ಅವಧಿಗಿಂತ 2 ಗಂಟೆ ಹೆಚ್ಚು ಕಾಲ ಕಾದಿದ್ದಾರೆ. ಸಚಿವರು 2 ಗಂಟೆಗಳ ಬಳಿಕ ಸುದ್ದಿಗೋಷ್ಠಿ ನಡೆಸಲು ಬರುತ್ತಿದ್ದಂತೆಯೇ, ಜಿಲ್ಲೆಯಲ್ಲಿ ಭ್ರಷ್ಟಾಚಾರ ಹೆಚ್ಚಾಗಿದೆ. ನೀವು ನಮಗೆ ಸಮಯವನ್ನ ನೀಡಿಲ್ಲ. ಹೀಗಾಗಿ ಈ ಸುದ್ದಿಗೋಷ್ಠಿಯನ್ನ ನಾವು ಬಾಯ್ಕಾಟ್​ ಮಾಡುತ್ತಿದ್ದೇವೆ ಎಂದು ಹೇಳಿ ಮೈಕ್​ಗಳನ್ನ ತೆಗೆದುಕೊಂಡು ಹೋಗಿದ್ದಾರೆ.

ವಿಡಿಯೋದ ಬಗ್ಗೆ ನಿಖರವಾದ ಮಾಹಿತಿ ಇನ್ನೂ ಲಭ್ಯವಾಗಿಲ್ಲ. ಸೋಶಿಯಲ್​ ಮೀಡಿಯಾ ಬಳಕೆದಾರರೊಬ್ಬರು ನೀಡಿರುವ ಮಾಹಿತಿಯ ಪ್ರಕಾರ ಈ ಘಟನೆಯು ಪಾಕಿಸ್ತಾನದ ಜೆಲುಮ್​ ಎಂಬಲ್ಲಿ ನಡೆದಿದೆ.

27 ಸೆಕೆಂಡ್​ಗಳ ಈ ವಿಡಿಯೋ 3.43 ಲಕ್ಷ ವೀವ್ಸ್​ ಪಡೆದುಕೊಂಡಿದೆ. ಪತ್ರಕರ್ತರ ಕಾರ್ಯಕ್ಕೆ ನೆಟ್ಟಿಗರು ಶಹಬ್ಬಾಸ್​ ಎಂದಿದ್ದಾರೆ.

https://www.facebook.com/indiatimes/videos/227352382513059/