ದೊಡ್ಡ ದೊಡ್ಡ ನಗರಗಳಲ್ಲಿ ಟ್ರಾಫಿಕ್ ಸಿಗ್ನಲ್ ಒಮ್ಮೆ ಬಿತ್ತು ಅಂದ್ರೆ ಸಾಕು. ಗ್ರೀನ್ ಲೈಟ್ ಬರುವವರೆಗೂ ಕಾಯೋದು ಅನೇಕರಿಗೆ ಕಷ್ಟವೇ. ಎಷ್ಟೋ ಬಾರಿ ವಿದ್ಯಾವಂತರೇ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡೋದಿದೆ. ನೀವು ಇದೇ ರೀತಿ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡೋರೇ ಆಗಿದ್ರೆ ಈ ವಿಡಿಯೋವನ್ನ ಒಮ್ಮೆ ನೋಡಲೇಬೇಕು.
ಚೀನಾದಲ್ಲಿ ಸೆರೆಹಿಡಿಯಲಾದ ಈ ವಿಡಿಯೋದಲ್ಲಿ ನಾಯಿಗಳ ಗುಂಪೊಂದು ರೆಡ್ ಲೈಟ್ ಬರುವವರೆಗೂ ಕಾದು ರಸ್ತೆ ದಾಟಿವೆ. ವಾಹನಗಳು ಪಾಸ್ ಆಗುವವರೆಗೂ ಕಾದ ಶ್ವಾನಗಳ ಗುಂಪು ಬಳಿಕ ರಸ್ತೆ ದಾಟಿವೆ.
ಈಶಾನ್ಯ ಚೀನಾ ಭಾಗದ ಡೆಲಿಯಾನ್ ನಗರದ ಸ್ಥಳೀಯರೊಬ್ಬರು ಈ ಸುಂದರ ದೃಶ್ಯವನ್ನ ತಮ್ಮ ಕ್ಯಾಮರಾ ಕಣ್ಣಲ್ಲಿ ಸೆರೆಹಿಡಿದಿದ್ದಾರೆ. ಟ್ರಾಫಿಕ್ ಕ್ಲಿಯರ್ ಆಗುವವರೆಗೂ ಗುಂಪಾಗೇ ಫುಟ್ಪಾತ್ನಲ್ಲಿ ನಿಂತು ಕಾದ ಶ್ವಾನಗಳು ಬಳಿಕ ಗುಂಪಾಗಿಯೇ ರಸ್ತೆ ದಾಟಿವೆ. ಈ ವಿಡಿಯೋ ಚೀನಾದ ಟಿಕ್ಟಾಕ್ನಲ್ಲಿ ಶೇರ್ ಮಾಡಲಾಗಿದ್ದು ಕೆಲವೇ ಗಂಟೆಗಳಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ಹಲ್ಚಲ್ ಎಬ್ಬಿಸಿದೆ. ಶ್ವಾನಗಳ ವಿಡಿಯೋ ನೋಡಿದ ಅನೇಕರು ಇವುಗಳು ನಿಜವಾದ ನಾಗರಿಕರು ಅಂತಾ ಕಮೆಂಟ್ ಮಾಡ್ತಿದ್ದಾರೆ.
Loading ...