‘ಟೈಟಾನಿಕ್’ ಹಡಗು ವೀಕ್ಷಣೆಗೆ ಇಲ್ಲಿದೆ ಅವಕಾಶ

ಕೊರೊನಾ ವೈರಸ್​ನಿಂದಾಗಿ ಈ ಬಾರಿ ಅನೇಕರ ಪ್ರವಾಸದ ಪ್ಲಾನ್​ಗಳು ಕ್ಯಾನ್ಸಲ್​ ಆಗಿವೆ. ಅಲ್ಲದೇ ಪ್ರವಾಸೋದ್ಯಕ್ಕೂ ಭಾರೀ ಹೊಡೆತ ಉಂಟಾಗಿದೆ. ಈ ವರ್ಷ ಹೊಸ ಸ್ಥಳಗಳನ್ನ ನೋಡೋಕೆ ಆಗಿಲ್ಲ ಎಂದವರಿಗೆ ಅಮೆರಿಕದ​ ಕಂಪನಿ ಮುಂದಿನ ವರ್ಷ ವಿಶೇಷವಾದ ಟೂರ್ ಒಂದನ್ನ ಆಯೋಜಿಸಿದೆ.

12 ಸಾವಿರ ಅಡಿ ಆಳದಲ್ಲಿ ಇರುವ ಟೈಟಾನಿಕ್ ಹಡಗಿನ ಅವಶೇಷಗಳನ್ನ ನೋಡುವ ಜಲಾಂತರ್ಗಾಮಿ ಪ್ರವಾಸ ಮುಂದಿನ ವರ್ಷದಿಂದ ಆರಂಭವಾಗಲಿದೆ. ಓಷನ್​​ ಗೇಟ್​ ಎಕ್ಸ್​​ಪೆಡಿಶನ್ಸ್ ಕಂಪನಿ ಮುಂದಿನ ವರ್ಷದ ಬೇಸಿಗೆಯಿಂದ ಈ ಪ್ರವಾಸವನ್ನ ಆರಂಭಿಸಲಿದೆ.

ಟೈಟಾನಿಕ್​ ಸರ್ವೇ ಎಕ್ಸ್​​ಪೆಡಿಶನ್​ 2021 ಯೋಜನೆಯಡಿಯಲ್ಲಿ ನಡೆಯಲಿರುವ ಈ ಪ್ರವಾಸದಲ್ಲಿ ಭಾಗಿಯಾಗಬೇಕು ಅಂದರೆ 12500 ಡಾಲರ್​ಗಳನ್ನ ಪಾವತಿಸಿ ದರ್ಶನ ಮಾಡಬಹುದಾಗಿದೆ. ಇನ್ನು ಪ್ರವಾಸಕ್ಕೆ ಬರುವವರಿಗೆ ಮೊದಲೇ ಕೆಲ ತರಬೇತಿಗಳನ್ನ ನೀಡಲಾಗುತ್ತೆ ಎಂದು ಕಂಪನಿ ತಿಳಿಸಿದೆ.