ಲಿಪ್​ಸ್ಟಿಕ್​ ಹಾಳಾಗುತ್ತೆ ಅಂತಾ ಮಾಸ್ಕ್​ ಧರಿಸದೆ ರಂಪಾಟ ಮಾಡಿದ ಯುವತಿ..!

ಕೊರೊನಾ ವೈರಸ್​​ ಮಹಾಮಾರಿ ಜನಜೀವನವನ್ನ ಸಂಪೂರ್ಣ ಉಲ್ಟಾಪಲ್ಟಾ ಮಾಡಿ ಹಾಕಿದೆ. ಸಾಮಾಜಿಕ ಅಂತರ ಕಾಪಾಡುತ್ತಾ ಮಾಸ್ಕ್ ಧರಿಸುತ್ತಾ ಜನರು ಕೊರೊನಾದಿಂದ ಬಚಾವಾಗೋಕೆ ಪ್ರಯತ್ನ ಪಡ್ತಿದ್ದಾರೆ. ಇದೀಗ ಈ ಮಾಸ್ಕ್​ ವಿಚಾರಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ.

ಸೋಶಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುತ್ತಿರುವ ವಿಡಿಯೋದಲ್ಲಿ ರೆಸ್ಟಾರೆಂಟ್​ಗೆ ಬಂದ ಯುವತಿಯೊಬ್ಬರು ಮಾಸ್ಕ್ ಧರಿಸಲು ನಿರಾಕರಿಸುತ್ತಾರೆ. ಅಂದಹಾಗೆ ಮಾಸ್ಕ್ ಧರಿಸದೇ ಇರಲು ಮುಖ್ಯ ಕಾರಣ ಲಿಪ್​ಸ್ಟಿಕ್​ ಹಾಳಾಗುತ್ತೆ ಎಂಬ ಭಯವಂತೆ..! ಇದೇ ಕಾರಣಕ್ಕೆ ಯುವತಿ, ವೇಟರ್​​ ಜೊತೆ ವಾಗ್ವಾದಕ್ಕೂ ಇಳಿದಿದ್ದಾಳೆ. ವೇಟರ್​ ಬಳಿಕ ತನ್ನ ಮ್ಯಾನೇಜರ್​ನ್ನು ಕರೆಯುತ್ತಾಳೆ. ಆದರೂ ಯುವತಿ ತನ್ನ ವಾದವನ್ನೇ ಮುಂದುವರಿಸುತ್ತಾಳೆ.

ಇದರಿಂದ ಆಕ್ರೋಶಗೊಂಡ ಮಹಿಳಾ ವೇಟರ್​​ ನಿಮ್ಮಂಥವರಿಂದಲೇ ನಮಗೆ ಕೆಲಸ ಮಾಡಲು ಕಷ್ಟವಾಗುತ್ತೆ ಎಂದು ಹೇಳಿ ಕೆಲಸವನ್ನೇ ಬಿಟ್ಟು ರೆಸ್ಟಾರೆಂಟ್​ನಿಂದ ತೆರಳುತ್ತಾಳೆ. ಮಹಿಳಾ ವೇಟರ್​ ರೆಸ್ಟಾರೆಂಟ್​ನಿಂದ ತೆರಳಿದ ಬಳಿಕ ಗ್ರಾಹಕಿ  ಮಾಸ್ಕ್​ನ್ನು ಧರಿಸಿ ಮ್ಯಾನೇಜರ್​ ಬಳಿ ಈಗ ನಿಮಗೆ ತೃಪ್ತಿಯಾಯಿತೇ ಎಂದು ಕೇಳಿದ್ದಾಳೆ. ಇದು ಅಮೆರಿಕದ ರೆಸ್ಟಾರೆಂಟ್​ ಒಂದರಲ್ಲಿ ತೆಗೆದ ಹಳೆಯ ವಿಡಿಯೋ ಆಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಇದೀಗ ಮತ್ತೊಮ್ಮೆ ವೈರಲ್​ ಆಗಿದೆ.

https://youtu.be/eBBrZvdeHKw?t=1