ಮಾನಸಿಕ ಒತ್ತಡ ಹೆಚ್ಚಾದಂತೆ ಈ ಮಹಿಳೆ ಕೈ ಬೆರಳು ಹೀಗಾಗುತ್ತಂತೆ….!

ಮಹಿಳೆಯೊಬ್ಬಳು ತನ್ನ ಕೈ ಬೆರಳುಗಳು ಇದ್ದಕ್ಕಿದ್ದಂತೆ ಬೆಳ್ಳಗಾಗಿಬಿಡುವ ವಿಚಿತ್ರ ಸ್ಥಿತಿಯ ಬಗ್ಗೆ ಸೋಶಿಯಲ್​ ಮೀಡಿಯಾದಲ್ಲಿ ಹೇಳಿಕೊಂಡಿದ್ದು ಇದೇ ವಿಚಾರಕ್ಕೆ ಭಾರೀ ಸುದ್ದಿಯಾಗ್ತಿದ್ದಾರೆ.

ಅಂದ ಹಾಗೆ ಇದು ಬಿಳಿ ತೊನ್ನು ಸಮಸ್ಯೆಯಲ್ಲ. ಈ ಮಹಿಳೆಯ 23 ವರ್ಷದ ಪುತ್ರಿ ಜ್ಯೂಲಿ ತನ್ನ ತಾಯಿಯ ವಿಚಿತ್ರ ಸ್ಥಿತಿಯ ಬಗ್ಗೆ ಸೋಶಿಯಲ್​ ಮೀಡಿಯಾದಲ್ಲಿ ಹೇಳಿಕೊಂಡಿದ್ದಾರೆ.

ಟ್ವಿಟರ್​ನಲ್ಲಿ ಶೇರ್​ ಮಾಡಲಾದ ಫೋಟೋದಲ್ಲಿ ಮೋನಿಕಾ ಎಂಬವರ ಎರಡು ಬೆರಳುಗಳು ಬೆಳ್ಳಗಾಗಿರೋದನ್ನ ನೀವು ನೋಡಬಹುದಾಗಿದೆ. ಇದು ರಕ್ತನಾಳದ ಅಪರೂಪದ ಸ್ಥಿತಿಯಾಗಿದೆ. ಇದರಲ್ಲಿ ಸಣ್ಣ ಅಪದಮನಿಗಳು ರಕ್ತದ ಹರಿಯುವಿಕೆಯನ್ನ ಕಡಿಮೆ ಮಾಡುತ್ತವೆ. ಈ ಸಂದರ್ಭದಲ್ಲಿ ರಕ್ತದ ಹರಿಯುವಿಕೆಯ ಕೊರತೆಯಿಂದಾಗಿ ಬೆರಳುಗಳು ಸಂಪೂರ್ಣ ಬಿಳಿ ಬಣ್ಣಕ್ಕೆ ತಿರುಗುತ್ತದೆ.

ಮೋನಿಕಾಗೆ ಶೀತವಾದಾಗ ಅಥವಾ ಆಕೆಗೆ ಚಿಂತೆ ಶುರುವಾದಾಗ ಈ ರೀತಿ ಕೈ ಇಲ್ಲವೇ ಕಾಲಿನ ಬೆರಳುಗಳು ಬೆಳ್ಳಗಾಗುತ್ತವೆ. ಮಾತ್ರವಲ್ಲದೇ ಈ ಬೆಳ್ಳಗಾದ ಬೆರಳುಗಳು ಕೆಲಕಾಲ ಸ್ಪರ್ಶ ಜ್ಞಾನವನ್ನೂ ಕಳೆದುಕೊಳ್ಳುತ್ತದೆಯಂತೆ.

ನನ್ನ ತಾಯಿ ರೇನಾಡ್ಸ್ ಸಿಂಡ್ರೋಮ್​ ಎಂಬ ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿದ್ದಾಳೆ. ಈಕೆಗೆ ಕಳೆದ 20 ವರ್ಷಗಳಿಂದ ಈ ಸಮಸ್ಯೆ ಇದೆ. ಅಪಧಮನಿಗಳು ಸಣ್ಣಗಾಗೋದ್ರಿಂದ ರಕ್ತದ ಹರಿವಿನಲ್ಲಿ ಅಭಾವ ಉಂಟಾಗಿ ಈ ಸಮಸ್ಯೆ ತಲೆದೋರುತ್ತದೆ. ಇದರಿಂದಾಗಿ ಬೆರಳುಗಳು ಬೆಳ್ಳಗಾಗೋದ್ರ ಜೊತೆಗೆ ಸ್ಪರ್ಶಜ್ಞಾನವನ್ನೂ ಕಳೆದುಕೊಳ್ಳುತ್ತೆ ಎಂದು ಜ್ಯೂಲಿ ಹೇಳಿದ್ದಾರೆ.