ಕೊರೊನಾ ರೋಗದಿಂದ ವಾಸಿಯಾದ ವ್ಯಕ್ತಿಯಲ್ಲಿ ಆಂಟಿ ಬಾಡಿಗಳು ಉತ್ಪತ್ತಿಯಾಗುತ್ತೆ ಎಂಬ ವಿಚಾರ ಎಲ್ಲರಿಗೂ ತಿಳಿದಿದೆ. ಆದರೆ ಆಸ್ಟ್ರೇಲಿಯಾದಲ್ಲಿ ಕೊರೊನಾ ಪಾಸಿಟಿವ್ ಬಾರದೇ ಇದ್ದರೂ ಸಹ ಮೂವರು ಮಕ್ಕಳ ದೇಹದಲ್ಲಿ ಆಂಟಿ ಬಾಡಿ ಉತ್ಪತ್ತಿಯಾಗಿದ್ದು ವೈದ್ಯಲೋಕ ಅಚ್ಚರಿ ವ್ಯಕ್ತಪಡಿಸಿದೆ.
ಆಸ್ಟ್ರೇಲಿಯಾದ ದಂಪತಿ ಲೀಲಾ ಸಾವೆಂಕೋ ಹಾಗೂ ಟೋನಿ ಮ್ಯಾಗೈರ್ ತಮ್ಮ ಸ್ನೇಹಿತನ ವಿವಾಹಕ್ಕಾಗಿ ಮಾರ್ಚ್ನಲ್ಲಿ ಅಂತರ್ರಾಜ್ಯ ಪ್ರಯಾಣ ಬೆಳೆಸಿದ್ದರು. ಪರಿಣಾಮ ಈ ದಂಪತಿ ಕೊರೊನಾ ಸೋಂಕಿಗೆ ಒಳಗಾಗಿದ್ದರು. ಮೂವರು ಪುಟ್ಟ ಮಕ್ಕಳನ್ನ ಹೊಂದಿದ್ದ ಈ ದಂಪತಿ ತಮಗಿಂತ ಮಕ್ಕಳ ಆರೋಗ್ಯ ಏನಾಗುತ್ತೋ ಎಂದು ಚಿಂತೆಗೆ ಒಳಗಾಗಿದ್ದರು. ಆರು, ಏಳು ಹಾಗೂ ಒಂಬತ್ತು ವರ್ಷದ ಮಕ್ಕಳಿಗೆ ಕೊರೊನಾ ಪರೀಕ್ಷೆ ನಡೆಸಿದಾಗ ವರದಿ ನೆಗೆಟಿವ್ ಎಂದು ತೋರಿಸಿತ್ತು. ಕೊರೊನಾ ಸೋಂಕಿತ ಪೋಷಕರ ಜೊತೆಯೇ ಕಾಲ ಕಳೆದಿದ್ದ ಮೂವರೂ ಕೊರೊನಾ ನೆಗಟಿವ್ ಬಂದಿದ್ದನ್ನ ಕಂಡು ಪೋಷಕರೇ ಆಶ್ವರ್ಯಗೊಳಗಾಗಿದ್ದರು.
ಮಕ್ಕಳ ಕೊರೊನಾ ವರದಿ ನೆಗೆಟಿವ್ ಬಂದಿದ್ದರೂ ಸಹ ಪಿಸಿಆರ್ ಟೆಸ್ಟ್ನಲ್ಲಿ ಮಕ್ಕಳ ದೇಹದಲ್ಲಿ ಆಂಟಿಬಾಡಿ ಉತ್ಪತ್ತಿಯಾಗಿದ್ದು ಸಂಶೋಧಕರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಈ ಮಕ್ಕಳ ದೇಹದಲ್ಲಿರುವ ರೋಗ ನಿರೋಧಕ ಶಕ್ತಿಯೇ ಇದಕ್ಕೆಲ್ಲ ಕಾರಣ ಅಂತಾ ಮೆಲ್ಬೊರ್ನ್ ವಿಶ್ವವಿದ್ಯಾಲಯದ ಶಿಶು ವೈದ್ಯ ಹೇಳಿದ್ದಾರೆ.
Loading ...