ಮತ್ತೊಮ್ಮೆ ಹಾರಾಟಕ್ಕೆ ಸಿದ್ಧವಾಯ್ತು ವಿಶ್ವದ ಅತಿ ಉದ್ದದ ವಿಮಾನ

ಅಮೆರಿಕ ಟು ಸಿಂಗಾಪುರಕ್ಕೆ ಸಾಗುವ ವಿಶ್ವದ ಅತಿ ಉದ್ದದ ವಿಮಾನ ಇದೀಗ ತನ್ನ ಒಟ್ಟು ಹಾರಾಟ ಸಮಯವನ್ನೂ ಸುದೀರ್ಘ ಮಾಡಿಕೊಳ್ಳಲು ಹೊರಟಿದೆ.

ಸಿಂಗಾಪುರ ವಿಮಾನ ನಿಲ್ದಾಣದಿಂದ ನ್ಯೂಯಾರ್ಕ್​ ವಿಮಾನ ನಿಲ್ದಾಣವರೆಗೆ ಈ ವಿಶ್ವದ ಅತಿ ಉದ್ದದ ವಿಮಾನ ಹಾರಾಟ ನಡೆಸುತ್ತಿತ್ತು. ಇದು 18 ತಾಸುಗಳ ಕಾಲ ತನ್ನ ಹಾರಾಟ ನಡೆಸುತ್ತಿತ್ತು.

ಆದರೆ ಈಗ ತನ್ನ ಅಂತಿಮ ನಿಲ್ದಾಣವನ್ನ ಬದಲಾವಣೆ ಮಾಡಿಕೊಂಡಿರುವ ಈ ವಿಮಾನ ನ್ಯೂಯಾರ್ಕ್​ನ ಜೆಎಫ್​ಕೆ ಏರ್​ಪೋರ್ಟ್​ವರೆಗೆ ಸಾಗಲಿದೆ. ಇದರಿಂದಾಗಿ ವಿಮಾನ ಹಾರಾಟದ ಒಟ್ಟು ಅವಧಿ ಹಾಗೂ ದೂರ ಹೆಚ್ಚಾಗಲಿದೆ.

ಕರೊನಾ ವೈರಸ್​ನಿಂದಾಗಿ ಮಾರ್ಚ್ 23ಕ್ಕೆ ಈ ವಿಮಾನ ತನ್ನ ಹಾರಾಟವನ್ನ ನಿಲ್ಲಿಸಿತ್ತು. ಈ ಹಿಂದೆ 18 ತಾಸುಗಳಲ್ಲಿ 15343 ಕಿಲೋಮೀಟರ್​ ಹಾರುತ್ತಿದ್ದ ವಿಮಾನ ಇನ್ಮೇಲೆ 15347 ಕಿಲೋಮೀಟರ್​ ದೂರ ಕ್ರಮಿಸಲಿದೆ.

ಸಿಂಗಾಪುರ ವಿಮಾನ ನಿಲ್ದಾಣದಿಂದ ಜೆಎಫ್​​ಕೆಗೆ ಬರಲು 18 ತಾಸು 5 ನಿಮಿಷಗಳ ಸಮಯ ಬೇಕಾದ್ರೆ ಜೆಎಫ್​ಕೆ ನಿಲ್ದಾಣದಿಂದ ಸಿಂಗಾಪುರಕ್ಕೆ ತೆರಳಲು 18 ತಾಸು 40 ನಿಮಿಷ ಅವಧಿ ಬೇಕಾಗುತ್ತೆ. ನವೆಂಬರ್​ 9ರಿಂದ ಈ ವಿಮಾನ ಹಾರಾಟ ನಡೆಸಲಿದ್ದು ವಿಮಾನದಲ್ಲಿ ಎಷ್ಟು ಮಂದಿ ಪ್ರಯಾಣಿಕರ ಆಸನಕ್ಕೆ ವ್ಯವಸ್ಥೆ ನೀಡಬೇಕು ಅನ್ನೋದ್ರ ಬಗ್ಗೆ ಚರ್ಚೆ ಮುಂದುವರಿದಿದೆ.