ಲಾಟರಿ ಕಾರ್ಡ್​ ಬಳಸಿ ಪತಿಗೆ​ ಸರ್ಪ್ರೈಸ್​ ನೀಡಿದ ಪತ್ನಿ

ಗರ್ಭಿಣಿ ಆದ ವಿಚಾರವನ್ನ ಘೋಷಣೆ ಮಾಡೋಕೆ ಈಗೀಗ ದಂಪತಿ ಹೊಸ ಹೊಸ ಮಾರ್ಗವನ್ನ ಹುಡುಕ್ತಾನೇ ಇರ್ತಾರೆ.

ಅದರಲ್ಲೂ ಪತ್ನಿಯಂದಿರು ತಮ್ಮ ಪತಿಗೆ ಗುಡ್​ ನ್ಯೂಸ್​ ನೀಡುವಾಗ ವಿಶೇಷವಾಗಿ ಪ್ಲಾನ್​ ಮಾಡ್ತಾರೆ. ಟಿಕ್​ಟಾಕ್​ನಲ್ಲಿ ವೈರಲ್​ ಆದ ಇಂತಹದ್ದೇ ಒಂದು ವಿಡಿಯೋದಲ್ಲಿ ಪತ್ನಿ ತಾನು ಗರ್ಭಿಣಿಯಾಗಿರುವ ವಿಚಾರವನ್ನ ಲಾಟರಿ ಕಾರ್ಡ್​ಗಳನ್ನ ಬಳಕೆ ಮಾಡಿ ಹೇಳಿದ್ದಾರೆ.

ಸಾಮಾನ್ಯವಾಗಿ ಲಾಟರಿ ಕಾರ್ಡ್​ಗಳು ನಮ್ಮ ಅದೃಷ್ಟವನ್ನ ಪರೀಕ್ಷೆ ಮಾಡುತ್ತವೆ. ಆದರೆ ಇಲ್ಲಿ ಈ ಪತ್ನಿ ತಮ್ಮ ಜೀವನದ ಅತ್ಯಂತ ದೊಡ್ಡ ಸುದ್ದಿಯನ್ನ ಪತಿಗೆ ಹೇಳೋಕೆ ಲಾಟರಿ ಕಾರ್ಡ್​ಗಳನ್ನ ಬಳಕೆ ಮಾಡಿಕೊಂಡಿದ್ದಾರೆ.

ಪತ್ನಿ ನೀಡಿದ ಕಾರ್ಡ್​ನ್ನು ಸ್ಕ್ರಾಚ್​ ಮಾಡಿದ ಪತಿಗೆ ತಾನು ತಂದೆಯಾಗುತ್ತಿರುವ ವಿಚಾರ ನೋಡಿ ಸಖತ್​ ಖುಷ್​ ಆಗಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಜಾಕ್​ಪಾಟ್​ನ್ನೇ ಹೊಡೆದಿದ್ದೀರಾ ಎಂದು ಕಮೆಂಟ್​ ಮಾಡಿದ್ದಾರೆ.