ಬಾಸ್ಕೆಟ್​ ಬಾಲ್​ ಆಟಕ್ಕೂ ಸೈ ಬರಾಕ್​ ಒಬಾಮಾ….!

ಅಮೆರಿಕದ ಮಾಜಿ ಉಪಾಧ್ಯಕ್ಷ ಹಾಗೂ ಡೆಮಾಕ್ರಟಿಕ್​ ಅಧ್ಯಕ್ಷೀಯ ಅಭ್ಯರ್ಥಿ ಜೋ ಬಿಡನ್​​ ಪರ ಮಾಜಿ ಅಧ್ಯಕ್ಷ ಬರಾಕ್​ ಒಬಾಮಾ ಪ್ರಚಾರ ಕಾರ್ಯ ಮಾಡಿದ್ದರು. ಮಿಚಿಗನ್​ನಲ್ಲಿ ನಡೆದ ಪ್ರಚಾರ ಸಮಯದಲ್ಲಿ ಬರಾಕ್​ ಒಮಾಮ ಬಾಸ್ಕೆಟ್​ ಬಾಲ್​​ ಆಟವನ್ನ ಅನಾಯಾಸವಾಗಿ ಆಡಿದ್ದು ನೋಡುಗರು ದಿಗ್ಭ್ರಮೆಗೊಂಡಿದ್ದಾರೆ.

ತಮ್ಮ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಈ ವಿಡಿಯೋ ಶೇರ್​ ಮಾಡಿರುವ ಒಬಾಮಾ, ದೆಟ್ಸ್ ವಾಟ್​ ಐ ಡೂ ಅಂತಾ ಕ್ಯಾಪ್ಶನ್​ ಹಾಕಿದ್ದಾರೆ. 20 ಸೆಕೆಂಡ್​​​ನ ಈ ವಿಡಿಯೋದಲ್ಲಿ 59 ವರ್ಷದ ಒಬಾಮಾ ಬಾಸ್ಕೆಟ್​ ಬಾಲ್​ ಆಡಿದ ಪರಿಕಂಡು ಟ್ಚೀಟಿಗರು ಫಿದಾ ಆಗಿದ್ದಾರೆ. ಅಂದಹಾಗೆ ಈ ವಿಡಿಯೋ ಮಿಲಿಯನ್​ಗಟ್ಟಲೇ ವೀವ್ಸ್ ಪಡೆದುಕೊಂಡಿದೆ.

ಈ ವಿಡಿಯೋವನ್ನ ಮೊದಲು ಬಿಡೆನ್​ ಅಭಿಯಾನದ ಟ್ರಾವೆಲಿಂಗ್​ ಡಿಜಿಟಲ್​ ನಿರ್ದೇಶಕರಿ ಒಲಿವಿಯಾ ರೈಸ್ನರ್​ ಶೇರ್​ ಮಾಡಿದ್ದರು. ಈ ವೈರಲ್​ ಕ್ಲಿಪ್​ಗೆ ಸಾಕಷ್ಟು ಕಮೆಂಟ್​ಗಳು ತೇಲಿ ಬಂದಿವೆ .