ಲಾಕ್​ ಡೌನ್​ ಘೋಷಣೆಯಾಗುತ್ತಿದ್ದಂತೆ ಟಾಯ್ಲೆಟ್‌ ಪೇಪರ್‌ ಖರೀದಿಗೆ ಮುಗಿಬಿದ್ದ ಜನ

ಯುರೋಪ್​ ರಾಷ್ಟ್ರಗಳಲ್ಲಿ ಮೊದಲ ಹಂತದಲ್ಲಿ ಲಾಕ್ ​ಡೌನ್​ ಜಾರಿಯಾದ ಸಂದರ್ಭದಲ್ಲಿ ಚಿಂತೆಗೀಡಾದ ಪ್ರಜೆಗಳು ಅವಶ್ಯ ವಸ್ತುಗಳ ಜೊತೆ ಜೊತೆಗೆ ರಾಶಿಗಟ್ಟಲೇ ಟಾಯ್ಲೆಟ್​ ಪೇಪರ್​ಗಳನ್ನ ಹೊತ್ತೊಯ್ದ ಫೋಟೋಗಳು ವೈರಲ್​ ಆಗಿದ್ದವು.

ಇದೀಗ ಎರಡನೇ ಬಾರಿಗೆ ಯುರೋಪ್​ ರಾಷ್ಟ್ರಗಳಲ್ಲಿ ಲಾಕ್​ಡೌನ್​ ಜಾರಿಯಾಗಿದ್ದು ಮತ್ತೊಮ್ಮೆ ಸಾರ್ವಜನಿಕರು ಕಂಗಾಲಾಗಿದ್ದಾರೆ.

ಲಾಕ್​ಡೌನ್​ ಸಂದರ್ಭದಲ್ಲಿ ಚಿಂತೆಗೀಡಾಗಿದ್ದ ಯುರೋಪ್​ ಪ್ರಜೆಗಳು ಲಾಕ್​ಡೌನ್​ ತೆರವಿನ ಬಳಿಕ ಸಾಮಾನ್ಯ ಜೀವನ ಸಾಗಿಸುತ್ತಿದ್ದರು. ಇನ್ನೇನು ಜೀವನ ಸಹಜ ಸ್ಥಿತಿಗೆ ಬಂತು ಅನ್ನೋವಷ್ಟರಲ್ಲಿ ಯುರೋಪ್​ನಲ್ಲಿ ಕರೊನಾದ 2ನೇ ಹಂತದ ಅಲೆ ಶುರುವಾಗಿದೆ.

ಹೀಗಾಗಿ ಯುಕೆ ಸೇರಿದಂತೆ ಇತರೆ ಯುರೋಪ್​ ರಾಷ್ಟ್ರಗಳಲ್ಲಿ ಲಾಕ್​ಡೌನ್​ 2.0 ಜಾರಿಯಾಗಿದೆ. ಮತ್ತೆ ಮೊದಲಿನಂತೆ ಆತಂಕಕ್ಕೊಳಗಾದ ಜನತೆ ಅಗತ್ಯ ವಸ್ತುಗಳ ಜೊತೆ ಲೋಡ್​ಗಟ್ಟಲೇ ಟಾಯ್ಲೆಟ್​ ಪೇಪರ್​ಗಳನ್ನ ಸೂಪರ್​ ಮಾರ್ಕೆಟ್​ನಿಂದ ಮನೆಗೆ ಹೊತ್ತೊಯ್ಯುತ್ತಿದ್ದಾರೆ. ಇಂಗ್ಲೆಂಡ್​ನ ಹಲವೆಡೆ ಈ ದೃಶ್ಯಗಳು ಕಂಡುಬಂದಿವೆ.

ಇಂಗ್ಲೆಡ್​ ಪ್ರಧಾನಿ ಬೋರಿಸ್​ ಜಾನ್ಸನ್​ ಡಿಸೆಂಬರ್​ 2ರವರೆಗೆ ಲಾಕ್​ಡೌನ್​ 2.0 ವನ್ನ ಜಾರಿ ಮಾಡಿದ್ದಾರೆ. ಕರೊನಾದಿಂದಾಗಿ ದೇಶದಲ್ಲಿ 85000 ಕ್ಕೂ ಅಧಿಕ ಸಾವಾಗುವ ಸಾಧ್ಯತೆ ಇರೋದ್ರಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ.