6 ಮಂದಿ ಭಾರತೀಯರಿಗೆ ಯುಎಇ ಲಾಟರಿಯಲ್ಲಿ ‌ʼಬಂಪರ್ʼ

ಅರಬ್​ ರಾಷ್ಟ್ರದಲ್ಲಿ ನಡೆದ ಲಕ್ಕಿ ಡ್ರಾನಲ್ಲಿ ಆರು ಮಂದಿ ಭಾರತೀಯರು ಜಾಕ್​ಪಾಟ್​ ಹೊಡೆದಿದ್ದಾರೆ. ಆರು ಮಂದಿ ಭಾರತೀಯ ಮೂಲದವರಲ್ಲಿ ಐದು ಮಂದಿ ಕೇರಳಿಗರು ಆರರಲ್ಲಿ ಐದು ನಂಬರ್​​ಗಳನ್ನ ಹೊಂದಿಸುವಲ್ಲಿ ಯಶಸ್ವಿಯಾಗಿದ್ದು ಈ ಮೂಲಕ ಸರಿ ಸುಮಾರು 20276661.60 ರೂಪಾಯಿ ಹಣವನ್ನ ಗೆದ್ದಿದ್ದಾರೆ.

ನನ್ನ ಕೆಲ ಸಹೋದ್ಯೋಗಿಗಳು ಈ ಆಟದಲ್ಲಿ ಭಾಗಿಯಾಗಿದ್ದರು ಹೀಗಾಗಿ ನಾನು ಕೂಡ ಇದೇ ಮೊದಲ ಬಾರಿಗೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದೆ. ನಾನು ಸದ್ಯ ಕ್ವಾರಂಟೈನ್​ ಅವಧಿಯಲ್ಲಿದ್ದು, ನನ್ನ ಸಹೋದ್ಯೋಗಿ ಫೋನ್ ಮಾಡಿ ಈ ವಿಚಾರ ಹೇಳಿದ್ರು. ನನಗಿದು ನನ್ನ ಜೀವನದ ಅಮೂಲ್ಯ ಕ್ಷಣವಾಗಿದೆ ಎಂದು ಅರಬ್​ ನಿವಾಸಿ ರಾಬರ್ಟ್ ಹೇಳಿದ್ರು.

ಕೇರಳ ಮೂಲದವರಾದ ರಾಬರ್ಟ್​ ಕಳೆದ 40 ವರ್ಷಗಳಿಂದ ಯುಎಇನಲ್ಲಿ ನೆಲೆಸಿದ್ದಾರೆ. ವಿವಾಹಿತರಾಗಿರುವ ರಾಬರ್ಟ್​ಗೆ ಇಬ್ಬರು ಹೆಣ್ಣುಮಕ್ಕಳಿದ್ದು ಒಬ್ಬಾಕೆ ಅಬುಧಾಬಿಯಲ್ಲಿದ್ದರೆ ಇನ್ನೊಂದು ಮಗಳು ಅಮೆರಿಕದಲ್ಲಿದ್ದಾಳೆ.

ನನ್ನ ಮಗಳು ಇನ್ನೇನು ಕೆಲವೇ ದಿನಗಳಲ್ಲಿ ವಿವಾಹವಾಗಲಿದ್ದಾಳೆ. ನಾನು ಈ ಹಣವನ್ನ ಆಕೆಗೆ ಉಡೊಗೊರೆ ರೂಪದಲ್ಲಿ ನೀಡುತ್ತೇನೆ ಎಂದು ರಾಬರ್ಟ್ ಹೇಳಿದ್ದಾರೆ.

ಇನ್ನೊಬ್ಬ ಲಕ್ಕಿ ಡ್ರಾ ವಿಜೇತ ಕೇರಳ ಮೂಲದ ಮೊಹಮ್ಮದ್​ ಈ ವಿಚಾರವಾಗಿ ಮಾತನಾಡಿ ನನಗೆ ಬಂದ ಇ ಮೇಲ್​ ಓದಿದ ಬಳಿಕವೇ ನಾನು ಲಕ್ಕಿ ಡ್ರಾ ಗೆದ್ದಿದ್ದೇನೆ ಎಂಬ ವಿಚಾರ ಗೊತ್ತಾಯ್ತು. ನನಗೆ ಸಂತೋಷ ಹಾಗೂ ಆಶ್ಚರ್ಯಗಳೆರಡೂ ಒಟ್ಟಿಗೆ ಆಯಿತು. ಈ ಹಣದಿಂದ ನನ್ನ ಕೆಲ ಸಾಲವನ್ನ ತೀರಿಸಿಕೊಂಡು ಉಳಿದ ಹಣವನ್ನ ನನ್ನ ಮೂವರು ಮಕ್ಕಳ ಭವಿಷ್ಯಕ್ಕಾಗಿ ಕೂಡಿಡುವೆ ಎಂದು ಹೇಳಿದ್ದಾರೆ.