ಭಾವುಕರನ್ನಾಗಿಸುತ್ತೆ ವೃದ್ದ ದಂಪತಿಯ ಬಹುಕಾಲದ ಭೇಟಿ ಕ್ಷಣ…!

ಕೊರೊನಾ ವೈರಸ್​ನಿಂದಾಗಿ ಜಗತ್ತು ಕಳೆದ ವರ್ಷದಿಂದ ಸಂಪೂರ್ಣವಾಗಿ ಬದಲಾಗಿ ಹೋಗಿದೆ. ಕುಟುಂಬಸ್ಥರಿಂದ ದೂರವಿರಬೇಕಾದ ಅನಿವಾರ್ಯತೆ ಈಗಲೂ ಇದೆ. ಇದೇ ರೀತಿ ವೃದ್ಧ ದಂಪತಿ ಕೊರೊನಾದಿಂದ ತಿಂಗಳುಗಟ್ಟಲೇ ಒಬ್ಬರಿಂದ ಒಬ್ಬರು ದೂರವಿದ್ದರು. ಇದೀಗ ಆ ದಂಪತಿ ಒಬ್ಬರನ್ನೊಬ್ಬರು ಭೇಟಿಯಾಗಿದ್ದು ಈ ಅಮೂಲ್ಯ ಕ್ಷಣದ ವಿಡಿಯೋ ಕಂಡ ನೆಟ್ಟಿಗರು ಫಿದಾ ಆಗಿದ್ದಾರೆ.

ಇಂಗ್ಲೆಂಡ್​​ನ ಮ್ಯಾಂಚೆಸ್ಟರ್​ನಲ್ಲಿ ಗೋರ್ಡಾನ್​ ಎಂಬ ವೃದ್ಧ ತನ್ನ ಪತ್ನಿಯನ್ನ ಬಹಳ ದಿನದ ಬಳಿಕ ಭೇಟಿಯಾಗಿದ್ದಾರೆ. ಆಕೆ ಪತಿಯನ್ನ ಕಂಡ ಬಳಿಕ ಸಖತ್​ ಖುಶ್​ ಆದರು. ಮಾತ್ರವಲ್ಲದೇ ಸಂತಸದಿಂದ ಪತಿಯ ಬಳಿಗೆ ನಡೆದುಕೊಂಡು ಹೋದರು. ಹಾಗೂ ವಾಕರ್​ನ್ನು ಪಕ್ಕಕ್ಕೆ ಸರಿಸಿ ಪತಿಗೆ ಮುತ್ತನ್ನ ನೀಡಿದ್ದಾರೆ.

ಇಬ್ಬರ ಆರೋಗ್ಯದಲ್ಲೂ ಏರುಪೇರು ಕಂಡು ಬಂದ ಹಿನ್ನೆಲೆ ಈ ವೃದ್ಧ ದಂಪತಿಯನ್ನ ಪ್ರತ್ಯೇಕವಾಗಿ ಇರಿಸಲಾಗಿತ್ತು. ಇದಿಗ ಈ ದಂಪತಿಯನ್ನ ಒಂದೇ ಕೇರ್​ ಹೊಮ್​​ಗೆ ಆಸ್ಪತ್ರೆ ಸಿಬ್ಬಂದಿ ಸೇರಿಸಿದ್ದಾರೆ.

ಕೊರೊನಾದಿಂದಾಗಿ ಪತ್ನಿ ಮೇರಿಯನ್ನ ನೋಡದೇ ಬಹಳ ದಿನವಾಗಿದ್ದರಿಂದ ಗೋರ್ಡಾನ್​ ತಮ್ಮ ಪತ್ನಿಗೆ ಸಪ್ರೈಸ್​ ನೀಡಲು ನಿರ್ಧರಿಸಿದ್ರು. ಹೀಗಾಗಿ ಪತ್ನಿಗೆ ಮೊದಲು ಸುಳಿವನ್ನೇ ನೀಡದೇ ನೇರವಾಗಿ ಆಕೆಯನ್ನ ಭೇಟಿಯಾಗುವ ಮೂಲಕ ಪತ್ನಿಯ ಸಂತೋಷಕ್ಕೆ ಕಾರಣರಾಗಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗಿದೆ.