ಕೆನಡಾದ ವಿಜ್ಞಾನಿಗಳು ಒಂದು ಹೊಸ ಅನ್ವೇಷಣೆಯನ್ನ ಮಾಡಿ ತೋರಿಸಿದ್ದಾರೆ. ಮಾಧ್ಯಮಗಳಲ್ಲಿ ಪ್ರಕಟವಾದ ವರದಿಯ ಪ್ರಕಾರ ವಿಜ್ಞಾನಿಗಳು ವಿಶೇಷ ರೀತಿಯ ಬ್ಯಾಕ್ಟೀರಿಯಲ್ ಎಂಜೈಮ್ ನ್ನ ಬಳಕೆ ಮಾಡಿ ಎ ರಕ್ತಕಣವನ್ನ ಯೂನಿವರ್ಸಲ್ ಡೋನರ್ ಆಗಿ ಬದಲಾಯಿಸಬಹುದು ಎಂದು ಸಾಬೀತುಪಡಿಸಿದ್ದಾರೆ. ಈ ಹೊಸ ಸಂಶೋಧನೆಯಿಂದಾಗಿ ವಿಶ್ವದಲ್ಲಿ ಒ ರಕ್ತ ಕಣದ ಜೊತೆಯಲ್ಲಿ ಇನ್ಮೇಲೆ ಎ ರಕ್ತ ಕಣವನ್ನೂ ಯೂನಿವರ್ಸಲ್ ಡೋನರ್ ಆಗಿ ಬಳಕೆ ಮಾಡಬಹುದಾಗಿದೆ. ಅಲ್ಲದೇ ಕೆನಡಾ ವಿಜ್ಞಾನಿಗಳ ಈ ಅನ್ವೇಷಣೆಯಿಂದಾಗಿ ಆಸ್ಪತ್ರೆಗಳಲ್ಲಿ ಇನ್ಮೇಲೆ ರಕ್ತದ ಕೊರತೆ ಉಂಟಾಗೋದಿಲ್ಲ ಎಂದು ಅಂದಾಜಿಸಲಾಗಿದೆ.
ಮಾಧ್ಯಮಗಳಲ್ಲಿ ಬಿತ್ತರವಾದ ವರದಿಯ ಪ್ರಕಾರ ವಿಜ್ಞಾನಿಗಳು ಮನುಷ್ಯರಲ್ಲಿ ಗಟ್ ಮೈಕ್ರೋಬ್ಸ್ನ್ನು ಕಂಡು ಹಿಡಿದಿದ್ದು ಇದರಿಂದ 2 ವಿಧವಾದ ಎಂಜೈಮ್ಗಳು ಸಿಗಲಿದೆ. ವಿಜ್ಞಾನಿಗಳು ಈ ಎಂಜೈಮ್ನ ಸಹಾಯದಿಂದ ಎ ರಕ್ತ ಕಣವನ್ನ ಯೂನಿವರ್ಸಲ್ ಡೋನರ್ ಆಗಿ ಮಾಡಿದ್ದಾರೆ. ಮೇರಿಲ್ಯಾಂಡ್ನಲ್ಲಿರುವ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಕ್ಲಿನಿಕಲ್ ಸೆಂಟರ್ನ ಬ್ಲಡ್ ಟ್ರಾನ್ಸ್ಫ್ಯೂಶನ್ ಎಕ್ಸ್ಪರ್ಟ್ ಹಾರ್ವೆ ಕ್ಲೇನ್ ಈ ಬಗ್ಗೆ ಮಾಹಿತಿ ನೀಡಿದ್ದು ಈ ತರಹದ ಸಂಶೋಧನೆಯನ್ನ ಇದೇ ಮೊದಲ ಬಾರಿಗೆ ಮಾಡಲಾಗಿದೆ. ಹಾಗೂ ಈ ಅನ್ವೇಷಣೆ ದೊಡ್ಡ ಮಟ್ಟದಲ್ಲಿ ಯಶಸ್ಸನ್ನ ಸಾಧಿಸಿದ್ರೆ ವೈದ್ಯಕೀಯ ಕ್ಷೇತ್ರಕ್ಕೆ ಬಹುದೊಡ್ಡ ಲಾಭವಾಗಲಿದೆ ಎಂದು ಹೇಳಿದ್ದಾರೆ.
Loading ...