ಸಾಮಾಜಿಕ ಅಂತರ ಕಾಪಾಡಲು ನೆರವಾಗುತ್ತೆ ಈ ಶೂ…!

ಕೊರೊನಾ ಮೊದಲ ಅಲೆ ದೇಶದಲ್ಲಿದ್ದಾಗ ಸಾಮಾಜಿಕ ಅಂತರ ಕಾಪಾಡಲು ನೆರವಾಗುವಂತಹ ದೈತ್ಯ ಬೂಟುಗಳನ್ನ ತಯಾರಿಸಿದ್ದ ಅರೋಮೇನಿಯನ್​ ಚಮ್ಮಾರ ಇದೀಗ ಕೊರೊನಾ ಎರಡನೇ ಅಲೆಯಿಂದ ಪಾರಾಗಲು ಚಳಿಗಾಲದ ಬೂಟನ್ನ ತಯಾರಿಸಿದ್ದಾರೆ.

ಗ್ರಿಗೋರ್​ ಲುಪ್​ ಎಂಬವರು ಮೇ ತಿಂಗಳಲ್ಲಿ ಯುರೋಪಿಯನ್​ ಮಾನದಂಡದ 75 ನಂಬರಿನ ಬೂಟುಗಳನ್ನ ಮಾರುಕಟ್ಟೆಗೆ ಪರಿಚಯಿಸಿ ಸುದ್ದಿಯಾಗಿದ್ದರು. ಕೊರೊನಾದ ನಡುವೆಯೂ ಅನೇಕರು ಸಾಮಾಜಿಕ ಅಂತರ ಕಾಪಾಡೋದನ್ನೇ ಮರೆತುಬಿಡ್ತಾರೆ. ಹೀಗಾಗಿ ನಾನು ಈ ರೀತಿಯ ಪಾದರಕ್ಷೆಗಳನ್ನ ತಯಾರಿಸೋಕೆ ಆರಂಭಿಸಿದೆ. ಈ ಪಾದರಕ್ಷೆಗಳನ್ನ ಧರಿಸೋದ್ರಿಂದ ಜನರು ಕಡಿಮೆ ಅಂದರೂ ಎರಡೂ ಮೀಟರ್​ ಅಂತರದಲ್ಲಿ ನಿಂತು ಸಂವಹನ ನಡೆಸ್ತಾರೆ ಅಂತಾ ಹೇಳಿದ್ರು.

ಇದೀಗ ಇದೇ ನಂಬರಿನ ಚಳಿಗಾಲದ ಬೂಟುಗಳನ್ನ ತಯಾರಿಸಿದ್ದಾರೆ ಗ್ರಿಗೋರ್ ಲೂಪ್​. ಶೀತ ಪ್ರದೇಶದಲ್ಲಿ ಈ ಬೂಟು ಧರಿಸಿ ನೀವು ಆರಾಮಾಗಿ ನಡೆದಾಡಬಹುದಾಗಿದೆ, ಹಾಗೂ ಈ ಶೂಗಳ ಬೆಲೆ 150 ಯುರೋ ಅಂತಾ ಲುಪ್​ ಮಾಹಿತಿ ನೀಡಿದ್ದಾರೆ.