ಕೊರೊನಾ ಹರಡುವಿಕೆ ತಡೆಗಟ್ಟುವ ನಿಟ್ಟಿನಲ್ಲಿ ಪೊಲ್ಯಾಂಡ್ ಸರ್ಕಾರ ಎಲ್ಲ ಸ್ಮಶಾನಗಳನ್ನ ಬಂದ್ ಮಾಡಲು ಆದೇಶಿಸಿತ್ತು. ಸರ್ಕಾರದ ಆದೇಶದಿಂದ ಕಂಗಾಲಾಗಿದ್ದ ಹೂವಿನ ವ್ಯಾಪಾರಸ್ಥರಿಗೆ ಸಾರ್ವಜನಿಕರು ನೆರವಾಗಿದ್ದಾರೆ.
ನವೆಂಬರ್ 1ನೇ ತಾರೀಖನ್ನ ಕ್ಯಾಥೋಲಿಕ್ ರಾಷ್ಟ್ರಗಳು ಆಲ್ ಸೇಂಟ್ಸ್ ಡೇ ಎಂದು ಆಚರಿಸುತ್ತವೆ. ಹ್ಯಾಲೋವನ್ ದಿನದ ಮತ್ತೊಂದು ರೂಪವೇ ಆಲ್ ಸೇಂಟ್ಸ್ ಡೇ. ಈ ದಿನ ಅಗಲಿದ ಕುಟುಂಬಸ್ಥರ ಸಮಾಧಿಗೆ ಭೇಟಿ ನೀಡಿ ಪುಷ್ಪನಮನ ಸಲ್ಲಿಸಲಾಗುತ್ತೆ.
ಹೀಗಾಗಿ ಉತ್ತಮ ವ್ಯಾಪಾರದ ನಿರೀಕ್ಷೆಯಲ್ಲಿದ್ದ ಹೂವಿನ ಮಾರಾಟಗಾರರಿಗೆ ಕೊನೆಯ ಕ್ಷಣದಲ್ಲಿ ಸರ್ಕಾರ ಆಘಾತ ನೀಡಿದೆ. ಸ್ಮಶಾನ ಬಂದ್ ಆಗಲಿದೆ ಎಂಬ ಸುದ್ದಿ ತಿಳಿದ ವ್ಯಾಪಾರಸ್ಥರು ಕಂಗಾಲಾಗಿದ್ದಾರೆ.
ಆದರೆ ಮಾರಾಟಗಾರರ ಈ ಕಷ್ಟದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಾಗ್ತಿದ್ದಂತೆ ಎಚ್ಚೆತ್ತ ಸಾರ್ವಜನಿಕರು. ಹೂವುಗಳನ್ನ ಖರೀದಿಸಿ ಸ್ಮಶಾನದ ಬಾಗಿಲಿನಲ್ಲಿ ಇಟ್ಟು ಬರುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ. ಅಲ್ಲದೇ ಕ್ಯಾಥೋಲಿಕ್ ರಾಷ್ಟ್ರದ ಮುಖ್ಯ ಆಚರಣೆಗೆ ತಡೆ ನೀಡಿದ ಸರ್ಕಾರದ ವಿರುದ್ಧ ಅಸಮಾಧಾನ ಹೊರಹಾಕಿದ ಜನರು ಆಡಳಿತ ಪಕ್ಷದ ಕಚೇರಿ ಎದುರು ಹೂವುಗಳನ್ನ ಇಟ್ಟು ಬರುವ ಮೂಲಕ ಆಕ್ರೋಶ ಹೊರಹಾಕಿದ್ದಾರೆ.
Loading ...