ಯುವತಿ ಮೇಲೆ ದಾಳಿ ಮಾಡಿದ ನಾಯಿಗೆ ಸಿಕ್ಕ ಶಿಕ್ಷೆ ಏನು ಗೊತ್ತಾ…?

ಯುವಕನ ಜೊತೆ ಟಿಂಡರ್​​ ಡೇಟ್​ಗೆ ಬಂದಿದ್ದ ಯುವತಿ ಮೇಲೆ ಆತನ ನಾಯಿ ದಾಳಿ ನಡೆಸಿದ ಪರಿಣಾಮ ಆಕೆಯ ಮುಖದ ಮೇಲೆ 21 ಹೊಲಿಗೆ ಹಾಕಲಾಗಿದೆ. ಪಿಟ್​ ಬುಲ್​ ಜಾತಿಯ ಈ ನಾಯಿಯನ್ನ ಸಾಯಿಸಬೇಕು ಅಂತಾ ಕೌನ್ಸಿಲ್​ ಹೇಳಿದ್ದು ನಾಯಿ ಮಾಲೀಕ ಕಂಗಾಲಾಗಿದ್ದಾರೆ.

ಆಸ್ಟ್ರೇಲಿಯಾದ ಪರ್ಥ್​ ಎಂಬಲ್ಲಿ ನಾಯಿ ಮಾಡಿದ ತಪ್ಪಿಗೆ ಮಾಲೀಕ ವಾಕರ್​ ಎಂಬವರು ಕೋರ್ಟ್​ಗೆ ಅಲೆಯುವಂತಾಗಿದೆ. ಡೇಟ್​​ಗೆ ಅಂತಾ ವಾಕರ್​ ಮನೆಗೆ ಯುವತಿಯೊಬ್ಬಳು ಬಂದಿದ್ದಳು. ಪಿಟ್​ಬುಲ್​ ಜಾತಿಯ ನಾಯಿಯನ್ನ ಹೊಂದಿದ್ದ ವಾಕರ್​ ನಾನು ನಾಯಿಯನ್ನ ಗೂಡಿಗೆ ಹಾಕುವವರೆಗೂ ಮನೆಗೆ ಪ್ರವೇಶಿಸಬೇಡ ಎಂದೇ ತಾಕೀತು ಮಾಡಿದ್ದ. ಆದರೂ ವಾಕರ್​ ಮಾತನ್ನ ಕೇಳದ ಯುವತಿ ಮನೆಯೊಳಕ್ಕೆ ಪ್ರವೇಶ ಮಾಡಿದ್ದಾಳೆ. ಇದರಿಂದ ಆಕ್ರೋಶಗೊಂಡ ನಾಯಿ ಆಕೆಯ ಮೇಲೆ ಅಟ್ಯಾಕ್​ ಮಾಡಿ ಮುಖದ ಮೇಲೆ ಗಂಭೀರ ಗಾಯ ಮಾಡಿ ಹಾಕಿತ್ತು. ಇದಾದ ಬಳಿಕ ಯುವತಿ ಮುಖಕ್ಕೆ 21 ಹೊಲಿಗೆ ಹಾಕಿದ್ದು ಮಾತ್ರವಲ್ಲದೇ ಪ್ಲಾಸ್ಟಿಕ್​ ಸರ್ಜರಿ ಮಾಡಲಾಗಿದೆ.

ಈ ಪ್ರಕರಣ ಸಂಬಂಧ ಸ್ಥಳೀಯ ಕೌನ್ಸಿಲ್​ ವಿಚಾರಣೆ ನಡೆದಿದೆ. ಈ ವೇಳೆ ವಾಕರ್​ ಈ ಘಟನೆ ಅಚಾನಕ್ಕಾಗಿ ನಡೆದಿದೆ. ನಾನು ಕೂಡ ನಾಯಿಯಿಂದ ಆಕೆಯನ್ನ ರಕ್ಷಿಸಲಾಗದೇ ಅಸಹಾಯಕನಾಗಿದ್ದೆ ಅಂತಾ ಕ್ಷಮೆಯಾಚಿಸಿದ್ದಾರೆ.

ಆದರೆ ಸ್ಥಳೀಯ ಕೌನ್ಸಿಲ್​ ಇಂತಹ ಡೇಂಜರಸ್​ ನಾಯಿಗಳನ್ನ ನಾಶ ಮಾಡಬೇಕು ಅಂತಾ ಹೇಳಿದೆ. ಪ್ರೀತಿಯಿಂದ ಸಾಕಿದ ನಾಯಿಯನ್ನ ಕಣ್ಣೆದುರೇ ಕೊಲ್ಲಲಾಗದೇ ವಾಕರ್​ ನಾಯಿ ಕಳೆದು ಹೋಗಿದೆ ಅಂತಾ ಹೇಳಿದ್ದಾರೆ. ಸದ್ಯ ಕೋರ್ಟ್ ವಿಚಾರಣೆಯನ್ನ ಮುಂದಿನ ತಿಂಗಳಿಗೆ ಮುಂದೂಡಿದೆ.