ಜೋಕರ್​ ಡ್ರೆಸ್​ ನಲ್ಲಿ ಮಹಿಳೆಯಿಂದ ಕೊರೊನಾ ಕುರಿತು ಮಾಹಿತಿ

ಅಮೆರಿಕದ ಒರೆಗಾನ್​ ರಾಜ್ಯದ ಸಾರ್ವಜನಿಕ ಆರೋಗ್ಯ ಪ್ರಾಧಿಕಾರ ಕೊರೊನಾ ಸಂಬಂಧಿ ಮಾಹಿತಿ ನೀಡುವ ವೇಳೆ ವಿಚಿತ್ರ ಉಡುಗೆಗಳನ್ನ ತೊಡುವ ಮೂಲಕ ವಿವಾದಕ್ಕೆ ಸಿಲುಕಿದೆ.

ಕೋವಿಡ್​ ಸಂಬಂಧಿ ಪ್ರಮುಖ ಅಂಕಿಅಂಶಗಳನ್ನ ಹಂಚಿಕೊಳ್ಳುತ್ತಿರುವ ಮಹಿಳೆ ಜೋಕರ್​ ರೂಪದಲ್ಲಿ ತಯಾರಾಗಿದ್ದು ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ.

ಕಪ್ಪು ಬಣ್ಣದ ಡಾಟೆಡ್​ ಶರ್ಟ್​, ಹಳದಿ ಪ್ಯಾಂಟ್​ ಹಾಗೂ ಕೆಂಪು ಬಣ್ಣದ ಟೈ ಹಾಕಿಕೊಂಡಿರುವ ಮಹಿಳೆಯ ಮುಖಕ್ಕೆ ಜೋಕರ್​ ರೀತಿಯಲ್ಲಿ ಮೇಕಪ್​ ಮಾಡಲಾಗಿದೆ. ಇದರಲ್ಲಿ ಇನ್ನೊಬ್ಬ ವ್ಯಕ್ತಿಯೂ ಇದ್ದು ಆತ ಸಾಂಕೇತಿಕ ಭಾಷೆಯ ಮೂಲಕ ಮಾತನಾಡುತ್ತಿದ್ದಾನೆ.

ಜೋಕರ್​ ರೀತಿಯಲ್ಲಿ ತಯಾರಾದ ಮಹಿಳೆ ಕ್ಲೇರ್​ ಪೋಚೆ, ಒರೆಗಾನ್​ನಲ್ಲಿ ಒಟ್ಟು 38160 ಪ್ರಕರಣಗಳು ದಾಖಲಾಗಿವೆ. ಇಂದು 392 ಹೊಸ ಪ್ರಕರಣಗಳು ವರದಿಯಾಗಿವೆ. ಹಾಗೂ ಕೊರೊನಾದಿಂದಾಗಿ ಇಂದು ಮೂವರು ಸಾವನ್ನಪ್ಪಿದ್ದಾರೆ ಎಂದು ಹೇಳಿ ಮುಖಕ್ಕೆ ಮಾಸ್ಕ್​ ಧರಿಸಿದ್ದಾರೆ. ತಮಾಷೆಯಾಗಿ ಕಾಣುವ ಉಡುಪು ಹಾಕಿ ಮಾಡಿರುವ ಈ ವಿಡಿಯೋ ಟ್ವಿಟರ್​ನಲ್ಲಿ 1 ಮಿಲಿಯನ್​ ವೀವ್ಸ್ ಪಡೆದುಕೊಂಡಿದೆ.