ಅಧ್ಯಯನದಲ್ಲಿ ಬಯಲಾಯ್ತು ಕೋವಿಶೀಲ್ಡ್ ಲಸಿಕೆ ಕುರಿತಾದ ಇಂಟ್ರಸ್ಟಿಂಗ್​ ಮಾಹಿತಿ

ಆಸ್ಟ್ರಾಜೆನಿಕಾ – ಆಕ್ಸ್​ಫರ್ಡ್​ ನಿರ್ಮಿಸಿದ ಕೋವಿಶೀಲ್ಡ್​ ಲಸಿಕೆಯ ಒಂದು ಡೋಸ್​ ಕೊರೊನಾದಿಂದ ಉಂಟಾಗಬಲ್ಲ ಸಾವನ್ನ ತಡೆಗಟ್ಟುಬಲ್ಲಿ 80 ಪ್ರತಿಶತ ಪರಿಣಾಮಕಾರಿ ಎಂದು ಹೊಸ ಅಧ್ಯಯನವೊಂದು ಹೇಳಿದೆ.

ಇಂಗ್ಲೆಂಡ್​​ನ ಸಾರ್ವಜನಿಕ ಆರೋಗ್ಯ ಇಲಾಖೆ ಸೋಮವಾರ ಈ ಮಾಹಿತಿಯನ್ನ ಬಿಡುಗಡೆ ಮಾಡಿದೆ. ಆಸ್ಟ್ರಾಜೆನಿಕಾ ಲಸಿಕೆಯು ಕೋವಿಡ್ ಸಾವಿನಿಂದ ನೀಡುವ ರಕ್ಷಣೆಯ ಬಗ್ಗೆ ಮಾಡಿದ ಮೊದಲ ಅಧ್ಯಯನ ಇದಾಗಿದೆ.

ಈ ಅಧ್ಯಯನಕ್ಕಾಗಿ ಸಂಶೋಧಕರು ಡಿಸೆಂಬರ್​ ಹಾಗೂ ಏಪ್ರಿಲ್​ ತಿಂಗಳಲ್ಲಿ ಸೋಂಕಿಗೊಳಗಾದವರನ್ನ ಆಯ್ಕೆ ಮಾಡಿಕೊಂಡಿದ್ದರು. ಇದರಲ್ಲಿ ಲಸಿಕೆಯ ಮೊದಲ ಡೋಸ್​ ಹಾಗೂ ಎರಡನೆ ಡೋಸ್ ಪಡೆದವರು ಕೋವಿಡ್​ ಮರಣವನ್ನ ಹೇಗೆ ಜಯಿಸಬಲ್ಲರು ಎಂಬುದನ್ನ ಅಧ್ಯಯನ ಮಾಡಲಾಗಿದೆ.

ಈ ಅಧ್ಯಯನದಲ್ಲಿ, ಆಸ್ಟ್ರಾಜೆನಿಕಾ ಲಸಿಕೆಯ ಮೊದಲ ಡೋಸ್​ ಪಡೆದವರು ಕೊರೊನಾ ಲಸಿಕೆಯನ್ನ ಪಡೆಯದವರಿಗೆ ಹೋಲಿಸಿದ್ರೆ ಕೊರೊನಾ ಮರಣದಿಂದ 55 ಪ್ರತಿಶತ ಸುರಕ್ಷಿತವಾಗಿರಲಿದ್ದಾರೆ. ಅದೇ ರೀತಿ ಫೈಜರ್​ ಲಸಿಕೆಯ ಮೊದಲ ಡೋಸ್ ಪಡೆದವರು ಕೊರೊನಾ ಮರಣದಿಂದ 44 ಪ್ರತಿಶತ ಪ್ರಮಾಣದಷ್ಟು ಸೇಫ್​ ಆಗಿರ್ತಾರೆ ಎಂದು ತಿಳಿದುಬಂದಿದೆ. ಒಟ್ಟಾರೆಯಾಗಿ ಕೋವಿಶೀಲ್ಡ್​ ಪಡೆದ ವ್ಯಕ್ತಿ ಕೊರೊನಾ ಮರಣದಿಂದ 80 ಪ್ರತಿಶತದಷ್ಟು ಸೇಫ್​ ಆಗಿರಲಿದ್ದಾನೆ ಎಂದು ಹೇಳಿದೆ.