50 ನೇ ವಯಸ್ಸಿನಲ್ಲಿ ಶಾಲೆಗೆ ಸೇರಿ ಮಾದರಿಯಾದ ಮಹಿಳೆ..!

ಶೇಡ್​​ ಅಜಯಿ ಎಂಬ ಮಹಿಳೆ ತನ್ನ ಮಧ್ಯ ವಯಸ್ಸಿನವರೆಗೂ ಶಾಲೆಯ ಮೆಟ್ಟಿಲು ಹತ್ತಿರಲಿಲ್ಲ. ಈ ಮಹಿಳೆಗೆ 50 ವರ್ಷ ವಯಸ್ಸಾಗಿದ್ದು ತನಗಿಂತ ನಾಲ್ಕು ದಶಕಗಳಷ್ಟು ಕಡಿಮೆ ವಯಸ್ಸಿನ ಮಕ್ಕಳೊಂದಿಗೆ ತರಗತಿಯಲ್ಲಿ ಕೂತು ಓದಲು – ಬರೆಯಲು ಕಲಿಯುತ್ತಿದ್ದಾಳೆ.

ಎಲ್ಲಾ ವಿದ್ಯಾರ್ಥಿಗಳಂತೆ ಗುಲಾಬಿ ಬಣ್ಣದ ಸಮವಸ್ತ್ರ ಧರಿಸಿ ನೈಜಿರಿಯಾದ ಪಶ್ಚಿಮ ಕ್ವಾರಾ ರಾಜ್ಯದ ಐಲೋರಿನ್​ನ ಶಾಲೆಯಲ್ಲಿ ವ್ಯಾಸಂಗ ಮಾಡ್ತಿದ್ದಾರೆ. ಈ ವಯಸ್ಸಿನಲ್ಲಿ ಸಮವಸ್ತ್ರ ಧರಿಸುತ್ತಿರೋದಕ್ಕೆ ನನಗೆ ಯಾವುದೇ ಮುಜುಗರ ಇಲ್ಲ ಎಂದು ಶೇಡ್​ ಹೇಳಿದ್ದಾರೆ.

ಚಿಕ್ಕವಳಿದ್ದಾಗ ಈಕೆ ಶಾಲೆಗೆ ಹೋಗೋದ್ರ ಬದಲು ಅತ್ತೆಯ ಅಂಗಡಿಯಲ್ಲಿ ಕೆಲಸ ಮಾಡುವ ಅನಿವಾರ್ಯತೆ ಬಂದೊದಗಿತ್ತು. ಹೀಗಾಗಿ ಈಕೆ ಸದ್ಯ ಪರ್ಸ್​ ಹಾಗೂ ಬ್ಯಾಗ್​ಗಳನ್ನ ಮಾರಾಟ ಮಾಡುವ ಅಂಗಡಿಯನ್ನ ನಡೆಸುತ್ತಿದ್ದಾರೆ.

ಆದರೆ ಈಕೆ ಅನಕ್ಷರಸ್ಥೆ ಆಗಿದ್ದರಿಂದ ಉದ್ಯಮದಲ್ಲಿ ಹೆಚ್ಚು ಮುಂದುವರಿಯಲು ಸಾಧ್ಯವಾಗ್ತಿರಲಿಲ್ಲ. ಕಳೆದ ವರ್ಷವೇ ಅಜಯಿ ಶಾಲೆಗೆ ಸೇರುವವರಿದ್ದರು. ಆದರೆ ಕೊರೊನಾದಿಂದಾಗಿ ಸಾಧ್ಯವಾಗಿರಲಿಲ್ಲ. ಇದೀಗ ಶಾಲೆಗಳು ಆರಂಭವಾಗಿದ್ದು, ಅಜಯಿ ಕೂಡ ಓದು, ಬರೆಯೋದನ್ನ ಕಲೀತಿದ್ದಾರೆ.