ಲ್ಯುಸಿ ಮೈನೋ ಎಂಬ 25 ವರ್ಷದ ಮಹಿಳೆ ತಮ್ಮ ಒಂದು ಸಣ್ಣ ಯಡವಟ್ಟಿನಿಂದಾಗಿ ಮಿಸ್ ಪಪುವಾ ನ್ಯೂಗಿನಿಯಾ ಕಿರೀಟವನ್ನ ಕಳೆದುಕೊಂಡಿದ್ದಾರೆ. ಟಿಕ್ಟಾಕ್ನಲ್ಲಿ ಈಕೆ ಹಾಕಿದ ಒಂದೇ ಒಂದು ವಿಡಿಯೋದಿಂದಾಗಿ ದೊಡ್ಡ ಬೆಲೆಯನ್ನೇ ತೆತ್ತಿದ್ದಾಳೆ.
ದ್ವೀಪದ ಮಹಿಳಾ ಫುಟ್ಬಾಲ್ ತಂಡದ ಮಾಜಿ ಉಪನಾಯಕಿ ಆಗಿದ್ದ ಲ್ಯುಸಿ ಮಾಡಿದ ಒಂದೇ ಒಂದು ವಿಡಿಯೋ ನೆಟ್ಟಿಗರ ಕಣ್ಣನ್ನ ಕೆಂಪಗಾಗಿಸಿದೆ. ಈಕೆ ತನ್ನ ಖಾಸಗಿ ಟಿಕ್ಟಾಕ್ ಖಾತೆಯಲ್ಲಿ ಈ ವಿಡಿಯೋ ಶೇರ್ ಮಾಡಿದ್ದರೂ ಸಹ ಅದು ಕೆಲವೇ ಗಂಟೆಗಳಲ್ಲಿ ಸೋಶಿಯಲ್ ಮೀಡಿಯಾದ ವಿವಿಧ ವೇದಿಕೆಗಳಲ್ಲಿ ವೈರಲ್ ಆಗಿದೆ.
2019ರಲ್ಲಿ ಮಿಸ್ ಪಪುವಾ ನ್ಯುಗಿನೀಯಾ ಕಿರೀಟವನ್ನ ಮುಡಿಗೇರಿಸಿಕೊಂಡಿದ್ದ ಲ್ಯುಸಿ ಕೊರೊನಾ ಕಾರಣದಿಂದಾಗಿ 2020ರಲ್ಲಿ ಸ್ಪರ್ಧೆ ನಡೆಯದ ಕಾರಣ ಈ ಪಟ್ಟ ಲ್ಯುಸಿ ಬಳಿಯಲ್ಲೇ ಇನ್ನೊಂದು ವರ್ಷ ಉಳಿದಿತ್ತು.
ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆಯೇ ಈಕೆ ಹಾಕಿದ ಅಶ್ಲೀಲ ಸ್ಟೆಪ್ಗಳಿಂದಾಗಿ ನಕರಾತ್ಮಕ ಅಭಿಪ್ರಾಯ ವ್ಯಕ್ತವಾಗಿದೆ. ಇಂತಹ ದೊಡ್ಡ ಪಟ್ಟವನ್ನ ಅಲಂಕರಿಸಿದ ಮಹಿಳೆ ರೋಲ್ ಮಾಡೆಲ್ ಆಗಬೇಕೆ ಹೊರತು ಈ ರೀತಿ ಅಶ್ಲೀಲ ನೃತ್ಯ ಮಾಡಬಾರದು ಅಂತಾ ಸೋಶಿಯಲ್ ಮೀಡಿಯಾ ಅಭಿಪ್ರಾಯಪಟ್ಟಿದೆ.
Loading ...