ಅಬ್ಬಾ..! ಭಿಕ್ಷುಕಿ ಆಸ್ತಿ ಕಂಡು ದಂಗಾದ ಪೊಲೀಸರು: 5 ಕಟ್ಟಡ, ಖಾತೆಯಲ್ಲಿ 1.4 ಕೋಟಿ ರೂ.

ಕೈರೋ: ಬರೋಬ್ಬರಿ 5 ಕಟ್ಟಡ, ಬ್ಯಾಂಕ್ ಖಾತೆಯಲ್ಲಿ 1.4 ಕೋಟಿ ರೂಪಾಯಿ(3 ಮಿಲಿಯನ್ ಈಜಿಪ್ಟ್ ಪೌಂಡ್) ನಗದು ಹೊಂದಿದ್ದ 57 ವರ್ಷದ  ಭಿಕ್ಷುಕಿಯನ್ನು ಈಜಿಪ್ಟ್ ಪೊಲೀಸರು ಬಂಧಿಸಿದ್ದಾರೆ.

ನಫೀಸಾ ಬಂಧಿತ ಮಹಿಳೆ. ಗಾಲಿಕುರ್ಚಿಯಲ್ಲಿ ಕುಳಿತುಕೊಂಡು ಭಿಕ್ಷೆ ಬೇಡುತ್ತಿದ್ದ ಆಕೆ ಪಾರ್ಶ್ವವಾಯು ಆಗಿರುವುದರಿಂದ ಓಡಾಡಲು ಆಗುತ್ತಿಲ್ಲ ಎಂದು ಹೇಳಿಕೊಂಡಿದ್ದಳು. ಭಿಕ್ಷಾಟನೆ ಮುಗಿದ ನಂತರ ನಡೆದುಕೊಂಡು ಹೋಗುತ್ತಿರುವುದನ್ನು ಕೆಲವರು ಗಮನಿಸಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಆಕೆ ಭಿಕ್ಷೆ ಬೇಡುವ ಸಂದರ್ಭದಲ್ಲಿ ತನಗೆ ಓಡಾಡಲು ಆಗುತ್ತಿಲ್ಲವೆಂದು ಗಾಲಿ ಕುರ್ಚಿಯಲ್ಲಿ ಕುಳಿತುಕೊಂಡು ಭಿಕ್ಷೆ ಬೇಡುತ್ತಿದ್ದಳು. ಕನಿಕರಪಟ್ಟ ಜನ ಹಣ ಕೊಡುತ್ತಿದ್ದರು. ಪೊಲೀಸರು ಆಕೆಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆಕೆಗೆ ಯಾವುದೇ ಕಾಯಿಲೆ ಇಲ್ಲ. ಆರೋಗ್ಯವಾಗಿರುವುದು ಗೊತ್ತಾಗಿದೆ.

ಘರ್ಬಿಯಾ ಮತ್ತು ಕ್ವಾಲಿಯುಬಿಯಾ 5 ವಸತಿ ಕಟ್ಟಡಗಳನ್ನು ಹೊಂದಿರುವ ನಫೀಸಾ ಎರಡು ಬ್ಯಾಂಕ್ ಖಾತೆಗಳಲ್ಲಿ 3 ಮಿಲಿಯನ್ ಈಜಿಪ್ಟ್ ಪೌಂಡ್ ಹೊಂದಿರುವುದು ತಿಳಿದು ಬಂದಿದೆ. ಹೆಚ್ಚಿನ ವಿಚಾರಣೆಗಾಗಿ ನಫೀಸಾಳನ್ನು ವಶಕ್ಕೆ ಪಡೆಯಲಾಗಿದೆ.