ಕೆಲಸ ಕಳೆದುಕೊಂಡ ಸೆಕ್ಯುರಿಟಿ ಗಾರ್ಡ್‌ ಗೆ ಒಲಿದ ʼಅದೃಷ್ಟʼ

ಕೊರೊನಾ ಕಾಟದಿಂದಾಗಿ ಕೆಲಸ ಕಳೆದುಕೊಂಡಿದ್ದ ವ್ಯಕ್ತಿಯೊಬ್ಬರಿಗೆ ಅದೃಷ್ಟ ಖುಲಾಯಿಸಿ, 5.8 ಆಸ್ಟ್ರೇಲಿಯನ್ ಡಾಲರ್‌ (31 ಕೋಟಿ ರೂ.ಗಳು) ಲಾಟರಿ ಬಹುಮಾನ ಗೆದ್ದಿದ್ದಾರೆ.

ಪರ್ತ್‌ನಲ್ಲಿ ಸೆಕ್ಯೂರಿಟಿ ಗಾರ್ಡ್ ಆಗಿ ಕೆಲಸ ಮಾಡುತ್ತಿದ್ದ ಈತ, ತನ್ನ ಮೂರು ವರ್ಷದ ಮಗಳೊಂದಿಗೆ ದಿನಸಿ ಖರೀದಿಯಲ್ಲಿ ತೊಡಗಿದ್ದರು. ಲಾಟರಿ ವೆಸ್ಟ್‌ ಎಂಬ ಲಾಟರಿ ಟಿಕೆಟ್‌ಗಳನ್ನು ಕಂಡ ಅವರು ತಮ್ಮ ಅದೃಷ್ಟ ಪರೀಕ್ಷಿಸಲು ಮುಂದಾಗಿದ್ದಾರೆ. ಸುದ್ದಿಪತ್ರಿಕೆಯಲ್ಲಿ ಈ ಲಾಟರಿಯನ್ನು ಅನಾಮಿಕ ವ್ಯಕ್ತಿಯೊಬ್ಬರು ಗೆದ್ದಿದ್ದಾರೆ ಎಂದು ತಿಳಿದ ಈತ, ತನ್ನ ಟಿಕೆಟ್ ‌ಅನ್ನು ಪರೀಕ್ಷಿಸಿಕೊಂಡಿದ್ದಾರೆ.

ತನ್ನ ಕಣ್ಣನ್ನು ತಾನೇ ನಂಬದಂಥ ಮಟ್ಟದಲ್ಲಿ ಅದೃಷ್ಟ ಖುಲಾಯಿಸಿದ ಈತ ತನ್ನ ಬಹುಮಾನ ಮೊತ್ತವನ್ನು ಹೇಗೆ ಬಳಸಿಕೊಳ್ಳಬೇಕೆಂದು ಪ್ಲಾನ್ ಮಾಡುತ್ತಿದ್ದಾರೆ. ಕಾಮರ್ಸ್ ವಿಷಯದಲ್ಲಿ ತಮ್ಮ ಡಿಗ್ರಿ ಓದನ್ನು ಮುಂದುವರೆಸಿ, ಹಣದ ಸದ್ಬಳಕೆ ಮಾಡಿಕೊಳ್ಳುವುದನ್ನು ಕಲಿಯಲು ನಿರ್ಧರಿಸಿದ್ದಾರೆ ಇವರು.

https://www.facebook.com/lotterywest/photos/a.553465844750856/3091366147627467/?type=3