ಸಮಾಧಿಗೆ ಕಿಟಕಿಯನ್ನ ಅಳವಡಿಸಿಕೊಂಡಿದ್ದ ವೈದ್ಯ..! ಜೊತೆಗೆ ಎಚ್ಚರವಾದರೆ ಬಾರಿಸಲು ಇತ್ತು ಗಂಟೆ

ಜೀವಂತ ಸಮಾಧಿಯಾಗಲು ಭಯ ಹೊಂದಿದ್ದ ವ್ಯಕ್ತಿಯೊಬ್ಬ ತನ್ನ ಸಮಾಧಿಗೆ ಗಂಟೆ ಹಾಗೂ ಕಿಟಕಿಯನ್ನ ಅಳವಡಿಸಿಕೊಂಡಿದ್ದ ಎಂಬ ಇತಿಹಾಸದ ಕತೆಯೊಂದು ಟಿಕ್​ಟಾಕ್​ನಲ್ಲಿ ಸಖತ್​ ವೈರಲ್​ ಆಗ್ತಿದೆ.

ಡಾ. ಟಿಮೋಥಿ ಕ್ಲರ್ಕ್ ಸ್ಮಿತ್​ ಎಂಬಾತ ಜೀವಂತ ಸಮಾಧಿ ಬಗ್ಗೆ ತುಂಬಾನೇ ಭಯ ಇಟ್ಟುಕೊಂಡಿದ್ದ ಕಾರಣ ತನ್ನ ಸಮಾಧಿಗೆ ಕಿಟಕಿ ಹಾಗೂ ಗಂಟೆಯನ್ನ ಅಳವಡಿಸಿದ್ದನಂತೆ. ಒಂದು ವೇಳೆ ಆತನಿಗೆ ಎಚ್ಚರವಾದರೆ ಗಂಟೆಯನ್ನ ಬಡಿದು ಜನರಿಗೆ ಹೇಳಬಹುದು ಅನ್ನೋದು ಈತನ ಯೋಚನೆಯಾಗಿತ್ತಂತೆ.

ಅಮೆರಿಕದ ವರ್ಮೋಂಟ್​​ನ ನ್ಯೂ ಹೆವನ್​​ನಲ್ಲಿ ಡಾ. ಸ್ಮಿತ್​​ನ ಸಮಾಧಿ ಇದೆ. ಈ ಕಿಟಕಿ ಸಮಾಧಿ ಇದೀಗ ಪ್ರವಾಸಿಗರ ಆಕರ್ಷಣೀಯ ಕೇಂದ್ರವಾಗಿ ಬದಲಾಗಿದೆ. ಇಲ್ಲಿಗೆ ಭೇಟಿ ನೀಡುವ ಪ್ರವಾಸಿಗರ ಕಿಟಕಿಯಿಂದ ಇಣುಕಿ ಸತ್ತ ವೈದ್ಯನನ್ನ ನೋಡೋಕೆ ಪ್ರಯತ್ನ ಪಡ್ತಾರೆ.

ಟಿಕ್​ಟಾಕ್​ ಬಳಕೆದಾರ @bobbiecurtislee ಎಂಬಾಕೆ ಈ ಸಮಾಧಿಯ ಫೋಟೋಗಳನ್ನ ಪೋಸ್ಟ್ ಮಾಡಿ ಇದರ ಇತಿಹಾಸದ ಬಗ್ಗೆ ತಿಳಿಸಿದ್ದಾರೆ. ಸ್ಮಿತ್​ ಎಂಬ ಹೆಸರಿನ ವೈದ್ಯ ತನ್ನ ಸಮಾಧಿಯನ್ನ ತಾನೇ ವಿನ್ಯಾಸಗೊಳಿಸಿಕೊಂಡಿದ್ದ. ಈತ ತನ್ನ ಸಮಾಧಿಗೆ ಕಿಟಕಿಯನ್ನ ಅಳವಡಿಸೋದ್ರ ಜೊತೆಗೆ ಗಂಟೆಯನ್ನೂ ಹಾಕಿದ್ದ. ಒಂದು ವೇಳೆ ಈತನಿಗೆ ಎಚ್ಚರವಾಗಿಬಿಟ್ಟರೆ ಗಂಟೆಯನ್ನ ಬಾರಿಸಿ ಸಹಾಯಕ್ಕಾಗಿ ಮೊರೆ ಹೋಗಬಹುದು ಅನ್ನೋದು ಈತನ ಪ್ಲಾನ್​ ಆಗಿತ್ತು ಎಂದು ಆಕೆ ವಿವರಿಸಿದ್ದಾಳೆ.

1893ರಲ್ಲಿ ಈ ವೈದ್ಯ ನಿಧನರಾಗಿದ್ದು ಈತ ಎಂದಿಗೂ ಆ ಗಂಟೆಯ ಸಹಾಯವನ್ನ ಪಡೆಯುವ ಅವಶ್ಯಕತೆ ಬರಲೇ ಇಲ್ಲ. ಈ ಸಮಾಧಿಯ ಮೇಲಿನ ಕಿಟಕಿ ಈಗಲೂ ಕೂಡ ಇದೆ. ಆದರೆ ಆ ಕಿಟಕಿಯಿಂದ ಮೃತ ವೈದ್ಯನ ಶವ ಸರಿಯಾಗಿ ಗೋಚರವಾಗೋದಿಲ್ಲ ಎಂದು ಹೇಳಿದ್ದಾಳೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗಿದೆ.

https://youtu.be/yyEIBNbyN8w