ವೈರಲ್​ ಆಯ್ತು ನಕಲಿ ಪ್ರೇಮ ನಿವೇದನೆಯ ವಿಡಿಯೋ..!

ನಿಮಗೇನಾದ್ರೂ ಬಾಯ್​ಫ್ರೆಂಡ್​ ಇದ್ದು ಆತ ಮೊಣಕಾಲ ಮೇಲೆ ನಿಂತು ಕೈಯಲ್ಲಿ ಆಭರಣದ ಬಾಕ್ಸ್ ಹಿಡಿದುಕೊಂಡರೆ ಅದರೊಳಗೆ ಏನಿದೆ ಎಂದು ನೀವು ಊಹಿಸುತ್ತೀರಿ..?

ಒಂದು ವೇಳೆ ನೀವು 6 ವರ್ಷಗಳ ಕಾಲ ಜೊತೆಯಲ್ಲಿ ಇದ್ದದ್ದಾಗಿದ್ರೆ ಆತ ಮದುವೆಗೆ ಪ್ರಪೋಸಲ್​ ಮಾಡ್ತಿರಬಹುದು ಎಂದೆನಿಸೋದು ಸಹಜ. ಆದರೆ ಇಲ್ಲೊಂದು ಜೋಡಿ ನಕಲಿ ಪ್ರಪೋಸಲ್​ ಮೂಲಕ ಸೋಶಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡಿದೆ.

ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆದ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ತನ್ನ ಗೆಳತಿ ಮುಂದೆ ಜ್ಯುವೆಲ್ಲರಿ ಬಾಕ್ಸ್​ನ್ನ ಹಿಡಿಯುತ್ತಾನೆ. ಐ ಲವ್​ ಯೂ ಸೋ ಮಚ್​. ನಮ್ಮ ಸ್ನೇಹಕ್ಕೆ 6 ವರ್ಷಗಳೇ ಕಳೆದವು. ದಯಮಾಡಿ ನೀನು……ಎಂದು ಬಾಕ್ಸ್​ನ್ನ ತೆರೆಯುತ್ತಾನೆ. ಅಷ್ಟರಲ್ಲಾಗಲೇ ಆಕೆಯ ಮೊಗದಲ್ಲಿ ಆನಂದ ಭಾಷ್ಪ ಹರಿಯುತ್ತಿರುತ್ತದೆ.

ವಿಚಿತ್ರ ಅಂದ್ರೆ ಆತ ಪ್ರಪೋಸಲ್​ಗೆ ಉಂಗುರವನ್ನ ನೀಡುವ ಬದಲು ಕಿವಿಯೋಲೆ ನೀಡುತ್ತಾನೆ. ಈ ವೇಳೆ ಹಿಂಬದಿಯಿಂದ ನನಗಿದು ಮೊದಲೇ ಗೊತ್ತಿತ್ತು ಎಂದು ಹೇಳಿ ನಗಾಡುವ ಧ್ವನಿಯೊಂದು ಕೇಳುತ್ತದೆ. ಟಿಕ್​ಟಾಕ್​ನಲ್ಲಿ ಪೋಸ್ಟ್ ಆದ ವಿಡಿಯೋ ಭಾರೀ ವೈರಲ್​ ಆಗಿದೆ. ನೆಟ್ಟಿಗರು ನಕಲಿ ಪ್ರೇಮ ನಿವೇದನೆ ಮಾಡಿದ ವ್ಯಕ್ತಿಗೆ ಖಾರವಾದ ಕಮೆಂಟ್​ ಹಾಕಿದ್ದಾರೆ.

ಇದಾದ ಬಳಿಕ ಮಹಿಳೆ ನನ್ನ ಪ್ರಿಯತಮ ನಿಜಕ್ಕೂ ಒಳ್ಳೆಯ ವ್ಯಕ್ತಿ. ಈ ವಿಡಿಯೋ ಫನ್ನಿ ಇದೆ ಎಂಬ ಕಾರಣಕ್ಕೆ ಪೋಸ್ಟ್ ಮಾಡಿದ್ದೆವು. ನಮ್ಮ ನಡುವೆ ಇಂತಹ ತಮಾಷೆಗಳು ನಡೆಯುತ್ತಲೇ ಇರುತ್ತವೆ. ನಾವು ಈಗ ಎಂಗೇಜ್ಡ್ ಆಗಿದ್ದೇವೆ ಎಂದು ಸ್ಪಷ್ಟನೆ ನೀಡಿದ್ದಾಳೆ.

https://youtu.be/RD8UDu1AcA8?t=1