ಅಚ್ಚರಿ ರೀತಿಯಲ್ಲಿ ಪತ್ತೆಯಾಯ್ತು ಮೃತ ವ್ಯಕ್ತಿಯ ಫೋಟೋ

ಕೊರೊನಾ ವೈರಸ್​ ನಿಬಂಧನೆಗಳಿಂದಾಗಿ ಸಮಯ ಕಳೆಯೋದು ಕಷ್ಟವಾದ ಬಳಿಕ ಜಪಾನ್​ನ ಈ ವ್ಯಕ್ತಿ ಗೂಗಲ್​ನಲ್ಲಿ ತನ್ನ ಹೆತ್ತವರ ಮನೆಯನ್ನ ಹುಡುಕೋಕೆ ನಿರ್ಧರಿಸಿದರು. ಗೂಗಲ್​ನಲ್ಲಿ ತನ್ನ ದಿವಂಗತ ತಂದೆ ರಸ್ತೆಯ ಪಕ್ಕದಲ್ಲಿ ನಿಂತು ತನ್ನ ತಾಯಿಯ ಕಡೆ ನೋಡುತ್ತಿರುವ ಫೋಟೋ ಕಂಡು ಆಶ್ಚರ್ಯ ಚಕಿತರಾದ್ರು.

ಏಳು ವರ್ಷಗಳ ಹಿಂದೆ ನಿಧನರಾಗಿದ್ದ ನನ್ನ ತಂದೆಯನ್ನು ನಾನು ನೋಡಿದೆ ಎಂದು ಶೀರ್ಷಿಕೆ ನೀಡಿರುವ ಈ ವ್ಯಕ್ತಿ ಜಪಾನ್​ ಬೀದಿಯ 2 ಫೋಟೋಗಳನ್ನ ಶೇರ್​ ಮಾಡಿದ್ದಾರೆ. ನನ್ನ ತಂದೆ ತಾಯಿಯನ್ನ ಕಾಯುತ್ತಿರಬೇಕು. ನನ್ನ ತಂದೆ ಶಾಂತ ವ್ಯಕ್ತಿ ಆದರೆ ತುಂಬಾನೇ ಕರುಣಾಳು ಎಂದು ಬರೆದಿದ್ದಾರೆ. ಅಲ್ಲದೇ ಗೂಗಲ್​ ಬಳಿ ದಯಮಾಡಿ ಈ ರಸ್ತೆಯ ಚಿತ್ರವನ್ನ ಬದಲಾಯಿಸಬೇಡಿ ಎಂದು ಮನವಿ ಮಾಡಿದ್ದಾರೆ. ಈ ಟ್ವೀಟ್​ ಇದೀಗ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.