ಕೊರೊನಾ ಸಾಂಕ್ರಾಮಿಕ ವೈರಸ್ ಕಾರಣದಿಂದ ವಿವಿಧ ದೇಶಗಳಲ್ಲಿ ಮೆಕ್ ಡೊನಾಲ್ಡ್ ಡ್ರೈವ್ ಥ್ರೂ ಬಂದವರಿಗೆ ಮಾತ್ರ ತನ್ನ ಸೇವೆ ಒದಗಿಸುತ್ತಿದೆ. ಕಾರಿನಲ್ಲಿ ಕುಳಿತು ಅಂಗಡಿ ಮುಂದೆ ಬಂದಾಗ ತನ್ನ ಉತ್ಪನ್ನವನ್ನು ವಿತರಿಸುವ ವ್ಯವಸ್ಥೆ ಮಾಡಿದೆ.
ಹೀಗಿರುವಾಗ ಯು.ಕೆ. ನಲ್ಲಿ 57 ವರ್ಷದ ಲೀ ವಾಟ್ಸನ್ ಎಂಬುವರು ಕಾರ್ಡ್ಬೋರ್ಡ್ ಕಾರಿನಲ್ಲಿ ಮೆಕ್ ಡೊನಾಲ್ಡ್ ಮುಂದೆ ಸರತಿ ಸಾಲಿನಲ್ಲಿ ನಿಂತ ಪ್ರಸಂಗ ನಡೆದಿದೆ. ಆ ವ್ಯಕ್ತಿ ಸರತಿಯಲ್ಲಿ ನಿಂತ ಒಂಬತ್ತು ಸೆಕೆಂಡ್ ನ ಸಣ್ಣ ವಿಡಿಯೋ ಈಗ ವೈರಲ್ ಆಗಿದೆ. ಆತನ ಸಾಲಿನಲ್ಲಿ ನಿಂತ ವ್ಯಕ್ತಿ ವಿಡಿಯೋ ಚಿತ್ರೀಕರಿಸಿ ಜಾಲತಾಣದಲ್ಲಿ ಹರಿಯಬಿಟ್ಟಿದ್ದರು.
ಲೀ ವ್ಯಾಟ್ಸನ್ ತನ್ನದೇ ಆದ ರಟ್ಟಿನ ಕಾರನ್ನು ತಯಾರಿಸಿ ಅದನ್ನು ಫಾಸ್ಟ್-ಫುಡ್ ರೆಸ್ಟೋರೆಂಟ್‌ನ ಡ್ರೈವ್-ಥ್ರೂ ಲೇನ್‌ ನಲ್ಲಿ ಓಡಿಸಿದ್ದರು. ಅವರು ಈ ಪ್ರಯತ್ನದಲ್ಲಿ ಯಶಸ್ವಿಯಾಗಿದ್ದಾರೆಯೇ ಎಂದು ತಿಳಿಯಲು ನೆಟಿಜನ್‌ಗಳು ಕುತೂಹಲ ಹೊಂದಿದ್ದರು. ಒಂದಷ್ಟು ಮಂದಿ ತಮಾಷೆ ಭರಿತ ಕಾಮೆಂಟ್ ಮಾಡಿದ್ದರು. ಲೀ ಅರ್ಧ ಗಂಟೆಯವರೆಗೆ ಸರದಿಯಲ್ಲಿ ನಿಂತ ನಂತರ ಬರಿಗೈಯಲ್ಲಿ ವಾಪಸಾಗಬೇಕಾಯಿತಂತೆ.
Loading ...