ಕೊರೊನಾದಿಂದಾಗಿ ಪಾರಾಗೋಕೆ ಈತ ಮಾಡಿದ ಪ್ಲಾನ್​ ನೋಡಿದ್ರೆ ಮೂಗಿನ ಮೇಲೆ ಬೆರಳಿಡ್ತೀರಾ..!

ಇಂಡೋನೇಷಿಯಾದ ವ್ಯಕ್ತಿಯೊಬ್ಬ ಕೊರೊನಾದಿಂದ ಬಚಾವಾಗೋಕೆ ಸಂಪೂರ್ಣ ವಿಮಾನದ ಸೀಟ್​ಗಳನ್ನ ತಾನೊಬ್ಬನೇ ಬುಕ್​ ಮಾಡಿದ್ದಾನಂತೆ. ರಿಚರ್ಡ್​ ಮುಲ್ಜಾದಿ ತನ್ನ ಪತ್ನಿಯೊಂದಿಗೆ ವಿಮಾನದಲ್ಲಿ ಪ್ರಯಾಣ ಮಾಡಬೇಕಾದ ಸಂದರ್ಭದಲ್ಲಿ ಈ ರೀತಿ ಮಾಡಿದ್ದಾನೆ.

ಐಶಾರಾಮಿ ಜೀವನಶೈಲಿ ಮೂಲಕವೇ ಸುದ್ದಿಯಲ್ಲಿರುವ ರಿಚರ್ಡ್ ಜಕಾರ್ತಾದಿಂದ ಬಾಲಿಗೆ ಏರ್​ಫ್ಲೈಟ್​ನಲ್ಲಿ ಪ್ರಯಾಣ ಮಾಡಿದ್ರು. ಈ ವೇಳೆ ಖಾಲಿ ವಿಮಾನದಲ್ಲಿ ತಾವು ಕುಳಿತಿರುವ ಫೋಟೋವನ್ನ ಇನ್ಸ್​ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಈ ರೀತಿ ಸಂಪೂರ್ಣ ವಿಮಾನದ ಟಿಕೆಟ್​ಗಳನ್ನ ಖರೀದಿ ಮಾಡಲು ಅವರು ಎಷ್ಟು ಹಣ ಪಾವತಿ ಮಾಡಿದ್ದಾರೆ ಅನ್ನೋದನ್ನ ಬಹಿರಂಗಪಡಿಸಿಲ್ಲ. ಲಯನ್​ ಏರ್​ ಗ್ರೂಪ್​ ಇಡೀ ವಿಮಾನದಲ್ಲಿ ರಿಚರ್ಡ್ ದಂಪತಿ ಮಾತ್ರ ಪ್ರಯಾಣಿಸಿದ್ದಾರೆ ಅನ್ನೋದನ್ನ ದೃಢಪಡಿಸಿದೆ.