ಬಿಸಿ ನೀರಿನ ಬುಗ್ಗೆಯಲ್ಲಿ ಚಿಕನ್​ ಬೇಯಿಸಲು ಮುಂದಾಗಿದ್ದ ಭೂಪ

ಬಿಸಿ ನೀರಿನ ಬುಗ್ಗೆಯಲ್ಲಿ ಚಿಕನ್​ ಖಾದ್ಯ ತಯಾರಿಸಲು ಮುಂದಾದ ಕಾರಣಕ್ಕೆ ಅಮೆರಿಕದ ಯೆಲ್ಲೋ ಸ್ಟೋನ್​ ರಾಷ್ಟ್ರೀಯ ಉದ್ಯಾನವನದಿಂದ ವ್ಯಕ್ತಿಗೆ ನಿಷೇಧ ಹೇರಲಾಗಿದೆ. ಆಗಸ್ಟ್ 7ರಂದು ಶೋಶೋನ್​ ಜಲಾನಯನ ಪ್ರದೇಶಕ್ಕೆ ಬಂದಿದ್ದ ಗುಂಪೊಂದು ಬಿಸಿ ನೀರಿನ ಬುಗ್ಗೆಯಲ್ಲಿ ಖಾದ್ಯ ತಯಾರಿಸಲು ಮುಂದಾಗಿತ್ತು.

ಇದನ್ನ ಗಮನಿಸಿದ ಉದ್ಯಾನವನದ ಅಧಿಕಾರಿ ಮ್ಯಾಮತ್​ ಹಾಟ್​ ಸ್ಟ್ರಿಂಗ್​ ನ್ಯಾಯಾಲಯಕ್ಕೆ ಇವರನ್ನ ಹಾಜರುಪಡಿಸಿದ್ದರು. ಸೆಪ್ಟೆಂಬರ್ 10ರಂದು ಆರೋಪಿ ತಪ್ಪೊಪ್ಪಿಕೊಂಡ ಕಾರಣ 600 ಡಾಲರ್​ ದಂಡ ಹಾಗೂ ಉದ್ಯಾನವನದ ಭೇಟಿಗೆ ನಿರ್ಬಂಧ ಹೇರಿ ಆದೇಶ ಹೊರಡಿಸಲಾಗಿದೆ.