7ರ ವಯಸ್ಸಿನಲ್ಲೇ ಬರೋಬ್ಬರಿ 80 ಕೆಜಿ ಭಾರ ಎತ್ತಿದ ಪುಟ್ಟ ಪೋರಿ..!

ವಯಸ್ಕ ಜಿಮ್ನಾಸ್ಟ್​​ಗಳು 70 ಕೆಜಿ ತೂಕದ ಭಾರವನ್ನ ಹೊರುವುದು ಸಾಮಾನ್ಯ ಸಂಗತಿ. ಅಥವಾ ಅದಕ್ಕಿಂತ ಹೆಚ್ಚಿನ ತೂಕವನ್ನ ಹೊರಲು ಶಕ್ತರಾಗಿದ್ದರೂ ಸಹ ಆಶ್ಚರ್ಯ ಪಡಬೇಕಾಗಿಲ್ಲ. ಆದರೆ 7 ವರ್ಷದ ಬಾಲಕಿ ಈ ಕೆಲಸವನ್ನ ಅತ್ಯಂತ ಸರಳವಾಗಿ ಮಾಡುತ್ತಾಳೆ ಅಂದರೆ..? ಇದು ಆಶ್ಚರ್ಯದ ವಿಚಾರವೇ ಸರಿ.

ಕೆನಡಾದ ಲಿಟಲ್​ ರೋರಿ ವ್ಯಾನ್​ ಉಲ್ಟ್​ ಇಂತಹದ್ದೊಂದು ವಿಶೇಷ ಸಾಧನೆ ಮಾಡಿದ ಬಾಲಕಿ ಎನಿಸಿಕೊಂಡಿದ್ದಾಳೆ. 80 ಕೆಜಿ ತೂಕವನ್ನ ಹೊರುವ ಸಾಮರ್ಥ್ಯ ಹೊಂದಿದ್ದಾಳೆ.

ಕೇವಲ 4 ಅಡಿ ಎತ್ತರವಿರುವ ಈ ಪುಟಾಣಿ ಪೋರಿ 2 ವರ್ಷಗಳ ಹಿಂದೆ ಅಂದರೆ ತನ್ನ 5ನೇ ವರ್ಷದ ಜನ್ಮದಿನದಂದು ತೂಕ ಹೊರುವ ತರಬೇತಿ ಆರಂಭಿಸಿದಳು. ಈಕೆ 11 ಹಾಗು 13 ವರ್ಷದೊಳಗಿನವರಿಗೆ ಅಮೆರಿಕದಲ್ಲಿ ಆಯೋಜಿಸಲಾಗಿದ್ದ ಭಾರ ಎತ್ತುವ ಸ್ಪರ್ಧೆಯಲ್ಲಿ ಚಾಂಪಿಯನ್​ ಪಟ್ಟ ಅಲಂಕರಿಸಿದ್ದಾಳೆ. ಕೆನಡಾದಲ್ಲಿ ಬಾಲ ವೇಟ್​ಲಿಫ್ಟರ್​ಗಳಿಗೆ ಯಾವುದೇ ಸ್ಪರ್ಧೆ ಇಲ್ಲದ ಕಾರಣ ಈಕೆ ಅಮೆರಿಕದ ಸ್ಪರ್ಧೆಗಳಲ್ಲಿ ಭಾಗಿಯಾಗುತ್ತಿದ್ದಾಳೆ.