ಬಾಲಕಿಯ ಕುಕ್ಕೀಸ್​ ಮಾರಾಟದ ಮುದ್ದಾದ ವಿಡಿಯೋಗೆ ನೆಟ್ಟಿಗರು ಫಿದಾ

ಬಾಲಕಿಯ ತಾಯಿ ಫೇಸ್​ಬುಕ್​ನಲ್ಲಿ ಮೊದಲು ಶೇರ್​ ಮಾಡಿದ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದ ಎಲ್ಲಾ ವೇದಿಕೆಗಳಲ್ಲಿ ಸೌಂಡ್​ ಮಾಡ್ತಿದೆ.

ಪುಟ್ಟ ಬಾಲಕಿ ಅಲಿ ಡೋರ್ ಬೆಲ್​ ರಿಂಗ್​ ಮಾಡುತ್ತಾಳೆ. ಕೂಡಲೇ ಆಕೆ, ಹಾಯ್​ ನಾನು ಅಲಿ. ನೀವು ಕುಕ್ಕಿಗಳನ್ನ ಖರೀದಿ ಮಾಡಲು ಬಯಸುತ್ತೀರಾ? ನಿಮಗೆ ಒಂದು ಕುಕ್ಕೀ ಇಷ್ಟಾನಾ..? ಎರಡು? ಅಥವಾ ಮೂರು – ನಾಲ್ಕು…? ಅಲ್ಲದೇ ಇದೇ ವೇಳೆ ನಿಮಗಿಷ್ಟವಾದ ಬಣ್ಣವನ್ನೂ ಹೇಳಿ ಎಂದು ಕೇಳುವ ಆಕೆ ಅದೇ ಬಣ್ಣದ ಬಾಕ್ಸ್​ನಲ್ಲಿ ಕುಕ್ಕೀಸ್​ಗಳನ್ನ ನೀಡಲು ಬಯಸುತ್ತೇನೆ ಎಂದು ಹೇಳುತ್ತಾಳೆ.

ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಅಂದಹಾಗೆ ಈ ಬಾಲಕಿಯಿಂದ ನೀವೆಷ್ಟು ಕುಕ್ಕೀಸ್​ಗಳನ್ನ ಖರೀದಿ ಮಾಡಲು ಬಯಸುತ್ತೀರಾ?