ಮಹಿಳೆಯರಿಂದ ಮಹಿಳೆಯರಿಗಾಗಿ ನಿರ್ಮಾಣವಾಯ್ತು ಕೆಫೆ..!

ಯೆಮೆನ್​​ ಸಿಟಿಯಲ್ಲಿ ಮಹಿಳೆಯರಿಗೆ ಪ್ರಾಶಸ್ತ್ಯವಾದ ವಿಶ್ರಾಂತಿ ತಾಣವಿಲ್ಲ ಎಂಬುದನ್ನ ತಿಳಿದ ಮಹಿಳೆಯೊಬ್ಬಳು ಮಹಿಳೆಯರಿಗಾಗಿ ಸ್ವಂತ ಕೆಫೆಯೊಂದನ್ನ ಆರಂಭಿಸಿದ್ದಾಳೆ.

ಈ ವಿಚಾರವಾಗಿ ಮಾತನಾಡಿದ ಯುಎಂ ಫೆರಸ್,​​ ಯೆಮೆನ್​ನಲ್ಲಿ ಮಹಿಳೆಯರಿಗೆ ಸೂಕ್ತ ಎನ್ನಿಸುವ ಯಾವುದೇ ತಾಣಗಳು ಇರಲಿಲ್ಲ. ಮಹಿಳೆಯರಿಗೆ ಮಾತ್ರ ಸೀಮಿತ ಎನ್ನುವಂತಹ ಸ್ಥಳಗಳೂ ಇರಲಿಲ್ಲ. ಹೀಗಾಗಿ ಸ್ತ್ರೀಯರಿಗೆ ಅನುಕೂಲವಾಗಲಿ ಅಂತಾ ನಾನು ಕಳೆದ ವರ್ಷದ ಏಪ್ರಿಲ್​ನಲ್ಲಿ ಯೆಮೆನ್​ ನಗರದ ಕೇಂದ್ರ ಭಾಗದಲ್ಲಿ ಈ ಕೆಫೆಯನ್ನ ಆರಂಭಿಸಿದೆ ಅಂತಾ ಹೇಳಿದ್ರು. ಇಲ್ಲಿ ಅನೇಕರಿಗೆ ಮಹಿಳೆಯರು ಮನೆಯಿಂದ ಹೊರಹೋಗಿ ಕೆಲಸ ಮಾಡುವುದು ತಪ್ಪು ಅನ್ನೋ ಮನೋಭಾವವಿದೆ. ಅಂತವರಿಗೆ ನನ್ನ ಈ ಕೆಫೆ ವಿಚಿತ್ರ ಎನಿಸುತ್ತೆ ಅಂತಾನೂ ಹೇಳಿದ್ರು.

ಆದರೆ ನನ್ನ ಕೆಫೆ ಅನೇಕರಿಗೆ ತಪ್ಪು ಎಂದು ಎನಿಸಿರಬಹುದು. ಆದರೆ ಪ್ರತಿ ಹೊಸ ಯೋಜನೆಗೂ ಬೆಂಬಲಿಗರು ಹಾಗೂ ವಿರೋಧಿ ಬಣದವರು ಇದ್ದೇ ಇರ್ತಾರೆ. ನಾನು ಈ ಕೆಫೆಯನ್ನ ಆರಂಭಿಸುವ ಮೂಲಕ ಮಹಿಳೆಯರಿಗೆ ವಿಶ್ರಾಂತಿ ಸ್ಥಳಕ್ಕೆ ಜಾಗ ಮಾಡಿಕೊಟ್ಟಿದ್ದು ಮಾತ್ರವಲ್ಲದೇ ಸ್ತ್ರೀ ಒಬ್ಬ ಉದ್ಯಮಿಯೂ ಆಗಬಲ್ಲಳು ಎಂಬುದನ್ನ ತೋರಿಸಿದ್ದೇನೆ ಅಂತಾ ಹೆಮ್ಮೆಯಿಂದ ಹೇಳಿಕೊಳ್ತಾರೆ ಯುಎಂ ಫೆರಸ್.