ಈಜುಗಾರನಿಗೆ ಮುಖಾಮುಖಿಯಾಯ್ತು ದೈತ್ಯ ಶಾರ್ಕ್​: ಕ್ಯಾಮರಾ ಕಣ್ಣಲ್ಲಿ ಸೆರೆಯಾಯ್ತು ಬೆಚ್ಚಿಬೀಳಿಸುವ ದೃಶ್ಯ

ನದಿಯಲ್ಲಿ ಈಜುವಾಗ ಏನಾದರೂ ಸಣ್ಣ ಜೀವಚರ ಎದುರಾದ್ರೇನೆ ಭಯವಾಗುತ್ತೆ. ಅಂತದ್ರಲ್ಲಿ ಸಮುದ್ರದಲ್ಲಿ ಡೈವಿಂಗ್​​ ಮಾಡಲು ತೆರಳಿದಾಗಂತೂ ಈ ಭಯ ದುಪ್ಪಟ್ಟಾಗಿರುತ್ತೆ. ಅದೇ ರೀತಿ ಅಮೆರಿಕದ ಫ್ಲೋರಿಡಾದಲ್ಲಿ ಡೈವಿಂಗ್​​ಗೆ ತೆರಳಿದ್ದ ವ್ಯಕ್ತಿಗೆ ದೈತ್ಯ ಶಾರ್ಕ್​ವೊಂದು ಮುಖಾಮುಖಿಯಾಗಿದ್ದು, ಎದೆ ಝಲ್​ ಎನ್ನಿಸುವ ದೃಶ್ಯ ಕ್ಯಾಮರಾ ಕಣ್ಣಿನಲ್ಲಿ ಸೆರೆಯಾಗಿದೆ. 55 ವರ್ಷದ ಜಾನ್​ ಮೋರೆ ಡೈವಿಂಗ್​ ಮಾಡುತ್ತಿದ್ದ ವೇಳೆ ಹೆಣ್ಣು ಶಾರ್ಕ್​ಗೆ ಮುಖಾಮುಖಿಯಾಗಿದ್ದಾರೆ.

ಶಾರ್ಕ್​ನ ಫೋಟೋವನ್ನ ಅತ್ಯಂತ ಹತ್ತಿರದಿಂದ ಕ್ಲಿಕ್ಕಿಸಿರುವ ಜಾನ್​, ಅದರ ಹಲ್ಲಿನ ಫೋಟೋವನ್ನ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಶೇರ್​ ಮಾಡಿದ್ದಾರೆ. ಇದು ದೈತ್ಯ ಹೆಣ್ಣು ಶಾರ್ಕ್​ನ ಅತ್ಯಂತ ಪ್ರಬಲವಾದ ಹಲ್ಲುಗಳು ಎಂದು ಶೀರ್ಷಿಕೆಯಲ್ಲಿ ವಿವರಣೆ ನೀಡಿದ್ದಾರೆ.

ವಿಮಾನ ಪ್ರಯಾಣಿಕನ ಬ್ಯಾಗಲ್ಲಿ ಸಗಣಿ ಕೇಕ್ ಪತ್ತೆ….!

ಇದೊಂದು ಅತ್ಯಂತ ದೈತ್ಯ ಹೆಣ್ಣು ಶಾರ್ಕ್ ಆಗಿದೆ. ಬಹುಶಃ ಈ ಶಾರ್ಕ್ ಗರ್ಭಿಣಿ ಇದ್ದಿರಬಹುದು. ಇದೊಂದು ಪ್ರಬಲ ಶಾರ್ಕ್ ಆಗಿದೆ. ಡೈವಿಂಗ್​ ವೇಳೆಯಲ್ಲಿ ಯಾವುದೇ ಭಯವಿಲ್ಲದೇ ಇದು ನನ್ನ ಬಳಿ ಬರುತ್ತಿತ್ತು ಎಂದು ಜಾನ್​ ಹೇಳಿದ್ದಾರೆ . ಶಾರ್ಕ್​ನ ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು ಇಷ್ಟು ಹತ್ತಿರದಿಂದ ಫೋಟೋ ಕ್ಲಿಕ್ಕಿಸಿದ ಮೋರೆಗೆ ಶಹಬ್ಬಾಸ್​ ಎಂದಿದ್ದಾರೆ.