ಬುಧವಾರ ಅಮೆರಿಕ ಕ್ಯಾಪಿಟಲ್ ಮೇಲೆ ಟ್ರಂಪ್ ಬೆಂಬಲಿಗರು ನಡೆಸಿದ ಹಿಂಸಾಚಾರದಲ್ಲಿ ನಾಲ್ವರು ಜೀವ ತೆತ್ತಿದ್ದಾರೆ. ಈಗಾಗಲೇ ಈ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಈ ನಡುವೆ ಅಮೆರಿಕ ಕ್ಯಾಪಿಟಲ್ಗೆ ಟ್ರಂಪ್ ಬೆಂಬಲಿಗರು ಮುತ್ತಿಗೆ ಹಾಕಿದ್ದ ವೇಳೆ ಅಮೆರಿಕದ ಬಾವುಟದ ಜೊತೆಯಲ್ಲಿ ಭಾರತದ ತ್ರಿವರ್ಣ ಧ್ವಜವೂ ಹಾರಾಡಿದ್ದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ವಿಡಿಯೋದಲ್ಲಿ ಅನೇಕ ಟ್ರಂಪ್ ಬೆಂಬಲಿಗರು ಅಮೆರಿಕದ ಧ್ವಜ ಹಿಡಿದುಕೊಂಡಿದ್ದರೆ ಇನ್ನೂ ಕೆಲವರು 2024ಕ್ಕೆ ಟ್ರಂಪ್ ನಮ್ಮ ಅಧ್ಯಕ್ಷ ಎಂಬ ಬ್ಯಾನರ್ ಹಿಡಿದಿದ್ದರು. ಆದರೆ ಕೆಲ ಅಪರಿಚಿತರು ಮಾತ್ರ ತ್ರಿವರ್ಣ ಧ್ವಜವನ್ನ ಹಿಡಿದಿದ್ದಾರೆ. ಈ ವಿಡಿಯೋ ಇದೀಗ ಸಾಕಷ್ಟು ಪ್ರಶ್ನೆಗಳನ್ನ ಹುಟ್ಟುಹಾಕಿದೆ.
ಈ ವಿಡಿಯೋ ನೋಡಿದ ಸಾಕಷ್ಟು ಭಾರತೀಯರು ಅಸಮಾಧಾನ ಹೊರಹಾಕಿದ್ದಾರೆ. ಈ ಬಗ್ಗೆ ಮೊದಲು ರಿ ಟ್ವೀಟ್ ಮಾಡಿದ ಟ್ವೀಟಿಗನೊಬ್ಬ ನಮ್ಮ ಭಾರತದ ಧ್ವಜವನ್ನ ನಾವಿಲ್ಲಿ ಕಾಣಲು ಇಚ್ಚಿಸೋದಿಲ್ಲ ಎಂದು ಬರೆದಿದ್ದಾರೆ.
ಬಿಜೆಪಿಯ ವರುಣ್ ಗಾಂಧಿ, ಭಾರತದ ಧ್ವಜ ಇಲ್ಲೇಕೆ ಇದೆ..? ಈ ಹಿಂಸಾಚಾರದಲ್ಲಿ ನಾವು ಖಂಡಿತವಾಗಿಯೂ ಭಾಗಿಯಾಗಲು ಇಚ್ಚಿಸೋದಿಲ್ಲ ಎಂದು ಟ್ವೀಟಾಯಿಸಿದ್ದಾರೆ. ರಾಜ್ಯಸಭಾ ಸದಸ್ಯೆ ಪ್ರಿಯಾಂಕಾ ಚತುರ್ವೇದಿ ಕೂಡ ಟ್ವೀಟ್ ಮಾಡಿ, ಬೇರ ದೇಶದ ಅಪರಾಧ ಕೃತ್ಯಗಳಲ್ಲಿ ನಮ್ಮ ದೇಶದ ಬಾವುಟವನ್ನ ಬಳಸಬೇಡಿ ಎಂದು ಕಿಡಿಕಾರಿದ್ದಾರೆ.
Loading ...