ಕ್ಯಾಮರಾ ಕಣ್ಣಲ್ಲಿ ಸೆರೆಯಾಯ್ತು ಅಪರೂಪದ ಘಟನೆ

ಆಕಾಶದಲ್ಲಿ ಹಾರಾಡುತ್ತಿದ್ದ ಹೆರೊನ್​ ಜಾತಿಯ ಪಕ್ಷಿಯ ಹೊಟ್ಟೆಯನ್ನ ಬಗೆದು ಹಾವು ಹೊರಬಂದ ಅಪರೂಪದ ಘಟನೆ ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದೆ.

ಮೇರಿಲ್ಯಾಂಡ್​ನಲ್ಲಿ ಇಂಜಿನಿಯರ್​ ಆಗಿರುವ ಸ್ಯಾಮ್​ ಡೇವಿಸ್​ ಎಂಬವರು ಈ ಅಪರೂಪದ ಫೋಟೋವನ್ನ ಸೆರೆಹಿಡಿದಿದ್ದಾರೆ. ಪಕ್ಷಿಯ ಹೊಟ್ಟೆಯಿಂದ ಹಾವು ಹೊರಗೆ ನೇತಾಡುತ್ತಿರೋದನ್ನ ನೀವು ಈ ಫೋಟದಲ್ಲಿ ಕಾಣಬಹುದಾಗಿದೆ.

ಆದರೆ ಇಷ್ಟಾದರೂ ಸಹ ಹಕ್ಕಿಯ ಹಾರಾಟದಲ್ಲಿ ಯಾವುದೇ ಬದಲಾವಣೆ ಕಂಡು ಬಂದಿಲ್ಲ ಅಂತಾ ಫೋಟೋಗ್ರಾಫರ್​ ಸ್ಯಾಮ್​ ಡೇವಿಸ್ ಹೇಳಿದ್ದಾರೆ.

ಈ ಹಕ್ಕಿಯಿಂದ ಸರಿ ಸುಮಾರು 90 ಮೀಟರ್​ ದೂರದಲ್ಲಿದ್ದ ಸ್ಯಾಮ್​ ಮೊದಲು ಹಕ್ಕಿಯ ಕೊರಳಿಗೆ ಹಾವು ನೇತು ಹಾಕಿಕೊಂಡಿದೆ ಎಂದೇ ಭಾವಿಸಿದ್ದರಂತೆ. ಆದರೆ ಅದು ಹೊಟ್ಟೆಯಿಂದ ಹೊರಬಂದಿದೆ ಅನ್ನೋದು ಬಳಿಕ ಗೊತ್ತಾಗಿದೆ. ಅಲ್ಲದೇ ಆ ಹಾವು ಪಕ್ಷಿಗೆ ಕಚ್ಚಿಲ್ಲ ಅಂತಾ ಸ್ಯಾಮ್​ ಹೇಳಿದ್ದಾರೆ.