ನಿರ್ಗತಿಕನಿಗೆ ಫ್ರೀ ಹೇರ್‌ ಕಟ್ ಮಾಡಿದ ಕ್ಷೌರಿಕ

ಮನೆಯಿಲ್ಲದ ವ್ಯಕ್ತಿಯೊಬ್ಬರಿಗೆ ಉಚಿತವಾಗಿ ಹೇರ್‌ಕಟ್ ಮಾಡಿದ ಕ್ಷೌರಿಕರೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಅರಿಜೋನಾದಲ್ಲಿ ಕೆಲಸ ಮಾಡುವ ಪಿನ್ನಿ ಮಕ್ಸುಮೌ ಹೆಸರಿನ ಈ ಕ್ಷೌರಿಕ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಯಲ್ಲಿ ಈ ವಿಚಾರ ಶೇರ್‌ ಮಾಡಿಕೊಂಡಿದ್ದಾರೆ. ತಮ್ಮ ಶಾಪ್ ‌ಅನ್ನು ಮೆಚ್ಚಿಕೊಂಡಿದ್ದ ಈ ವ್ಯಕ್ತಿಗೆ ಉಚಿತವಾಗಿ ಹೇರ್‌ಕಟ್‌ ಮಾಡಿದ ವಿಚಾರವನ್ನು ವಿಡಿಯೋ ಮೂಲಕ ಶೇರ್‌ ಮಾಡಿಕೊಂಡಿದ್ದಾರೆ ಪಿನ್ನಿ.

ಸಾಕಷ್ಟು ದಿನಗಳಿಂದ ಬಾಚದೇ ಹಾಗೇ ಬೆಳೆದು ನಿಂತಿದ್ದ ಕೇಶಭರಿತ ವ್ಯಕ್ತಿಯನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ಮೊದಲಿಗೆ ಹಿಂಜರಿಕೆಯಿಂದಲೇ ಶಾಪ್‌ಗೆ ಕಾಲಿಟ್ಟ ಈ ವ್ಯಕ್ತಿಯನ್ನು ಆದರದಿಂದ ಬರಮಾಡಿಕೊಂಡ ಕ್ಷೌರಿಕ ಆತನಿಗೆ ಒಳ್ಳೆಯ ಹೇರ್‌ಕಟ್‌ ನೀಡಿ, ಆತನ ಮೊಗದಲ್ಲಿ ನಗು ಮೂಡಿಸಿದ್ದಾರೆ.

https://www.instagram.com/p/CI3mX9SD-Z9/?utm_source=ig_embed