ತಾಯಿಯ ಅಸಹಾಯಕತೆಗೆ ನೆರವಾದ ಅಪರಿಚಿತ: ಫೇಸ್​ಬುಕ್​ನಲ್ಲಿ ತಿಳಿಸಿದ ʼಧನ್ಯವಾದʼ ಪೋಸ್ಟ್​ಗೆ ನೆಟ್ಟಿಗರು ಫಿದಾ

ನೆಟಾಲಿ ಫರ್ನಾಡೋ ಎಂಬ ಹೆಸರಿನ ಮಹಿಳೆ ಸಮುದ್ರದ ಬದಿಯಲ್ಲಿ ತಮ್ಮ ಪುತ್ರ ರುಡಿ ಜೊತೆ ನಡೆದುಕೊಂಡು ಹೋಗ್ತಿದ್ರು. ರುಡಿ ಸೀದಾ ನೆಲದ ಮೇಲೆ ಬಿದ್ದು ಆಕ್ರೋಶವನ್ನ ಹೊರಹಾಕೋಕೆ ಶುರು ಮಾಡಿದೆ. ಇದು ಮಗುವಿನ ಸಮಸ್ಯೆಯಾಗಿದೆ. ಅಂದರೆ ಈ ಮಗುವಿನ ಹಠವನ್ನ ಕಂಟ್ರೋಲ್​​ ಮಾಡೋದು ತುಂಬಾನೇ ಕಷ್ಟದ ಕೆಲಸ ಎಂದು ತಾಯಿ ವಿವರಿಸಿದ್ದಾರೆ.

ರಸ್ತೆಯ ಮೇಲೆ ಬಿದ್ದು ಒದ್ದಾಡುತ್ತಿದ್ದ ಮಗುವನ್ನ ಕಂಡು ಅನೇಕರು ಕೋಪ ಮಾಡಿಕೊಂಡರು. ಆದರೆ ಅಲ್ಲೇ ಇದ್ದ ಅಪರಿಚಿತ ವ್ಯಕ್ತಿಯೊಬ್ಬ ರುಡಿ ರೀತಿಯಲ್ಲೇ ಮಲಗಿ ಮಾತನಾಡೋಕೆ ಶುರು ಮಾಡಿದ್ರು. ಈ ಮೂಲಕ ಆಕ್ರೋಶದಲ್ಲಿ ತನ್ನ ಸ್ಥಿಮಿತವನ್ನೇ ಕಳೆದುಕೊಂಡಿದ್ದ ಮಗುವನ್ನ ಸರಿ ಮಾಡಿದ್ದಾರೆ.

ಈ ಘಟನೆಯ ಬಗ್ಗೆ ಫೇಸ್​ಬುಕ್​ನಲ್ಲಿ ತಾಯಿ ನೆಟಾಲಿ ತಮ್ಮ ಅನುಭವವನ್ನ ಶೇರ್​ ಮಾಡಿದ್ದಾರೆ. ಈ ಅಪರಿಚಿತ ವ್ಯಕ್ತಿ ನನ್ನ ಮಗುವಿನ ಜೀವವನ್ನ ಕಾಪಾಡಿದ್ದಾರೆ. ನನ್ನ ಮಗು ಭಾವನಾತ್ಮಕವಾಗಿ ಕುಗ್ಗಿ ಹೋದಾಗ ಆತ ನಿಯಂತ್ರಣಕ್ಕೇ ಸಿಗೋದಿಲ್ಲ. ಆತನ ಕೋಪ ಎಷ್ಟರ ಮಟ್ಟಿಗೆ ಇರುತ್ತೆ ಅಂದರೆ ಅದನ್ನ ಕಂಟ್ರೋಲ್​ ಮಾಡೋದು ಯಾರಿಂದಲೂ ಸಾಧ್ಯವಾಗುವ ಕೆಲಸವಲ್ಲ. ಆದರೆ ಈ ಅಪರಿಚಿತ ವ್ಯಕ್ತಿ ಮಾತ್ರ ನನ್ನ ಮಗುವನ್ನ ಸರಿ ಮಾಡಿದ್ದಾರೆ.

ಈ ಅಪರಿಚಿತ ವ್ಯಕ್ತಿ ಹೀರೋನಂತೆ ನನ್ನ ಮಗುವನ್ನ ಕಾಪಾಡಿದ್ದಾರೆ. ಈ ರೀತಿಯ ಮನುಷ್ಯರು ನಮ್ಮ ಸುತ್ತಲೂ ಇರಬೇಕು. ನಾನು ಧನ್ಯವಾದ ಅರ್ಪಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.