ಬಾರ್ ಆಯ್ತು ಮಹಾಯುದ್ಧದ ಸಂದರ್ಭದಲ್ಲಿ ನಿರ್ಮಿಸಲಾಗಿದ್ದ ಬಂಕರ್…!

ಭಾರತೀಯ ಮೂಲದ 68 ವರ್ಷದ ವೃದ್ಧ ಕಳೆದ 40 ವರ್ಷಗಳಿಂದ ವಾಸಿಸುತ್ತಿದ್ದ ಮನೆಯಲ್ಲಿರುವ ಎರಡನೇ ಮಹಾಯುದ್ಧ ಕಾಲದ ವಾಯು ದಾಳಿ ಆಶ್ರಯವನ್ನ ಪತ್ತೆ ಹಚ್ಚಿದ್ದಾರೆ.

ಹುಲ್ಲುಹಾಸಿನ ಕೆಳಗೆ ಈ ಆಶ್ರಯ ಕೊಠಡಿ ನಿರ್ಮಾಣ ಮಾಡಲಾಗಿದ್ದು ಮ್ಯಾನ್​ಹೋಲ್​ ಪರಿಶೀಲನೆ ಮಾಡುತ್ತಿದ್ದ ವೇಳೆ ಇದು ಪತ್ತೆಯಾಗಿದೆ.

ಇಂಗ್ಲೆಂಡ್​ ವೋಲ್ವರ್​ ಹ್ಯಾಂಪ್ಟನ್​​ನ ನಿವಾಸಿ ಖಂಡು ಪಟೇಲ್​​ ಶಾಲೆಯೊಂದರ ಉಸ್ತುವಾರಿ ವಹಿಸಿದ್ದಾರೆ. ತಮ್ಮ ಮನೆಯ ತೋಟದಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಈ ಸಂಶೋಧನೆ ಮಾಡಿದ್ದಾರೆ.

ಪಟೇಲ್​ ವಾಸ್ತವ್ಯ ಹೂಡಿರುವ ಮನೆ 1920ರ ದಶಕದಲ್ಲಿ ನಿರ್ಮಿಸಲಾಗಿದೆ. ಅಲ್ಲದೇ ಈ ಮನೆಯ ಹಿಂದಿನ ಮಾಲೀಕರು ಎರಡನೇ ಮಹಾಯುದ್ಧದ ಸಂದರ್ಭದಲ್ಲಿ ಈ ರಹಸ್ಯ ಕೊಠಡಿ ನಿರ್ಮಾಣ ಮಾಡಿದ್ದರು ಎನ್ನಲಾಗಿದೆ.

ಕುತೂಹಲಕಾರಿ ವಿಚಾರ ಏನಂದ್ರೆ, ಕಳೆದ 40 ವರ್ಷಗಳಿಂದ ಪಟೇಲ್​ ಹಾಗೂ ಪತ್ನಿ ಉಷಾ ಇದೇ ಮನೆಯಲ್ಲಿ ವಾಸಿಸುತ್ತಿದ್ರೂ ಅವರಿಗೆ ಈ ಆಶ್ರಯದ ಬಗ್ಗೆ ಯಾವುದೇ ಸುಳಿವು ಇರಲಿಲ್ಲವಂತೆ. ಸ್ನೇಹಿತರ ಸಹಾಯದಿಂದ ಪಟೇಲ್​ ದಂಪತಿ ಈ ಆಶ್ರಯ ತಾಣವನ್ನ ಬಾರ್​ ಆಗಿ ಪರಿವರ್ತಿಸಿದ್ದಾರೆ.