ಶ್ವಾನದ ಮೇಲಿನ ಪ್ರೀತಿಗಾಗಿ ಬೃಹತ್‌ ಪ್ರತಿಮೆ ನಿರ್ಮಾಣ

ತುರ್ಕಮೇನಿಸ್ತಾನದ ಅಧ್ಯಕ್ಷ ಗರ್ಬಾಂಗುಲಿ ಬರ್ಡಿಮುಖಾಮೆಡೋವ್​ ತಮ್ಮ ನೆಚ್ಚಿನ ತಳಿಯಾದ ಅಲಬೈ ಜಾತಿಯ ಶ್ವಾನದ ಮೇಲೆ ಪ್ರೀತಿ ಹಿನ್ನೆಲೆ ಈ ಪ್ರತಿಮೆ ನಿರ್ಮಿಸಿದ್ದಾರೆ.

ಪ್ರತಿಮೆ ಅನಾವರಣದ ವಿಡಿಯೋವನ್ನ ಟ್ವಿಟರ್​ನಲ್ಲಿ ಪೋಸ್ಟ್ ಮಾಡಲಾಗಿದೆ. ಸಮಾರಂಭದಲ್ಲಿ ತುರ್ಕಮೇನಿಸ್ತಾನದ ಅಧ್ಯಕ್ಷ ಕೂಡ ಉಪಸ್ಥಿತರಿರೋದನ್ನ ಕಾಣಬಹುದಾಗಿದೆ. ನಾಯಿಯ ಪ್ರತಿಮೆಯ ಕೆಳಗೆ ಎಲ್​ಇಡಿ ಪರದೆ ಅಳವಡಿಸಲಾಗಿದ್ದು ಇದರಲ್ಲಿ ಅಲಬೈ ಶ್ವಾನದ ದೃಶ್ಯಗಳನ್ನ ಕಾಣಬಹುದಾಗಿದೆ.

ಶ್ವಾನಗಳ ಕಟ್ಟಾ ಪ್ರೇಮಿ ಹಾಗೂ ಕುದುರೆ ಸವಾರಿ ಪ್ರಿಯರಾಗಿರುವ ಗರ್ಬಾಂಗುಲಿ ಈ ನಾಯಿ ತಳಿಯ ಬಗ್ಗೆ ಪುಸ್ತಕವನ್ನೂ ಬರೆದಿದ್ದಾರೆ. ಮಧ್ಯ ಏಷ್ಯಾದ ಈ ನಾಯಿ ಕುರಿ ಹಾಗೂ ಮೇಕೆ ಹಿಂಡುಗಳನ್ನ ಕಾಪಾಡುವಲ್ಲಿ ಹೆಸರುವಾಸಿ. ರಷ್ಯಾದಲ್ಲೂ ಇದು ಜನಪ್ರಿಯ ಶ್ವಾನಗಳ ಪಟ್ಟಿಯಲ್ಲಿ ಒಂದಾಗಿದೆ.