ತನ್ನ ಹಾರಾಟದ ಮೂಲಕವೇ ವಿಶ್ವದಾಖಲೆ ಬರೆದ ಹಕ್ಕಿ..!

ಗೋಡ್ವಿಟ್​ ಜಾತಿಗೆ ಸೇರಿದ ಹಕ್ಕಿ ಸತತ 11 ದಿನಗಳ ಕಾಲ 12,200 ಕಿಲೋ ಮೀಟರ್​​ ತಡೆ ರಹಿತ ಹಾರಾಟ ನಡೆಸೋದ್ರ ಮೂಲಕ ವಿಶ್ವದಾಖಲೆ ಬರೆದಿದೆ. ಗೋಡ್ವಿಟ್​ ಹಕ್ಕಿಗೆ 5 ಗ್ರಾಂ ತೂಕದ ಉಪಗ್ರಹವನ್ನ ಕಟ್ಟಿದ ವಿಜ್ಞಾನಿಗಳು ಅದರ ಸಹಾಯದಿಂದ ಹಕ್ಕಿಯ ಹಾರಾಟವನ್ನ ಟ್ರ್ಯಾಕ್​ ಮಾಡಿದ್ದಾರೆ.

ಸೆಪ್ಟೆಂಬರ್​ 16ರಂದು ಅಮೆರಿಕದ ನೈಋತ್ಯ ಅಲಾಸ್ಕಾದಿಂದ ಹಾರಾಟ ಪ್ರಾರಂಭಿಸಿದ ಈ ಹಕ್ಕಿ 11 ದಿನ ಕಳೆಯುವಷ್ಟರಲ್ಲಿ ನ್ಯೂಜಿಲೆಂಡ್​ನ ಆಕ್ಲೆಂಡ್​ಗೆ ಬಂದು ತಲುಪಿದೆ ಅಂತಾ ಪತ್ರಿಕೆಗಳು ವರದಿ ಮಾಡಿವೆ.
ತನ್ನ ಅತಿ ದೀರ್ಘದ ಹಾರಾಟದ ಮೂಲಕ ಗೋಡ್ವಿಟ್​ ಹಕ್ಕಿ ಈ ಹಿಂದೆ ಅಂದರೆ 2007ರಲ್ಲಿ 11,680 ಕಿಲೋಮೀಟರ್​ ಕ್ರಮಿಸಿದ್ದ ಹೆಣ್ಣು ಶೋರ್​ಬರ್ಡ್​ ಹಕ್ಕಿಯ ದಾಖಲೆಯನ್ನ ಮುರಿದು ಹಾಕಿದೆ.

ವೈಜ್ಞಾನಿಕವಾಗಿ ಸಾಬೀತಾಗದೇ ಇದ್ದರೂ ಸಹ ಈ ಗಾಡ್ವಿಟ್​ ಪಕ್ಷಿಗಳು ತಮ್ಮ ಪ್ರಯಾಣ ಕಾಲದಲ್ಲಿ ನಿದ್ರೆ ಮಾಡುವುದಿಲ್ಲವಂತೆ. ಹೀಗಾಗಿ ಇವುಗಳು ನಿರಂತರವಾಗಿ ಹಾರಾಟ ನಡೆಸುತ್ತಲೇ ಇರುತ್ತವೆ. ಅದರಲ್ಲೂ ಗಂಡು ಗೋಡ್ವಿಟ್​ ಹಕ್ಕಿ ಹಾರಾಟದ ವೇಳೆ ತನ್ನ ದೇಹದ ಆಂತರಿಕ ಅಂಗಗಳನ್ನ ಕುಗ್ಗಿಸೋ ಸಾಮರ್ಥ್ಯವನ್ನ ಹೊಂದಿದೆ. ಇದರಿಂದಾಗಿ ಗೋಡ್ವಿಟ್​ ಇನ್ನಷ್ಟು ವೇಗವಾಗಿ ಚಲ್ಲಿಸಬಲ್ಲದು.

ಗೋಡ್ವಿಟ್​ ಹಕ್ಕಿಗಳ ದೇಹ ವಿನ್ಯಾಸ ಜೆಟ್​ ಫೈಟರ್​ಗಳ ರೀತಿ ಇರುತ್ತೆ ಅಂತಾರೆ ಗ್ಲೋಬಲ್​ ಫ್ಲೈ ವೇ ನೆಟ್​ವರ್ಕ್​ನ ಡಾ. ಜೆಸ್ಸಿ ಕಾಂಕ್ಲೀನ್​. ಇವುಗಳ ಉದ್ದನೆಯ ಮೊನಚಾದ ರೆಕ್ಕೆಗಳು ಹಾಗೂ ಅದರ ವಿನ್ಯಾಸ ಈ ಹಕ್ಕಿಯ ನಿರಂತರ ಹಾರಾಟಕ್ಕೆ ಪೂರಕವಾಗಿದೆ ಅಂತಾ ಹೇಳಿದ್ರು.